Proveb 7:21 - Buka Blahi Ka Cheke Holo

²¹ Aonu nogna cheke famaemahe gaꞌase na igre ne figrini gaoghathogna mae majaghani igne.

Proveb 7:21 Iomraidhean Croise

Fapea Kings 4:8

Kaisei narane, profet Elisa ne tei ka namono Sunem. Eghuteuna ka namono igne na au kaisei naikno biꞌo te dedei. Naꞌa ne kiloni mae profet mala tei ghamu baludi repa khetogna. Funu ka narane tuana, kate tei mana Sunem na, mana tei ghamu koba ka sugadi repa na.

Nehemaea 6:4

Fati fata phiamare te famei nafnata cheke igne ka iara na, nu leuleghu fata na iara jaola fatei nafnata cheke igne ka phiamare.

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Proveb 5:3

Foflogna gaꞌase te magnahaghei eni puhi te diꞌa na mamahe jateula suka eghu, eghuteuna kisigna na famane fara.

Proveb 6:24

Nodi cheke repa igre ginauna togho nigho iagho mala theome fanomho ka nogna cheke famaemahe khetogna keha mae na. Eghuteuna lhoti nigho iagho mala thosei tei iagho ka gaꞌase te magnahaghei eni ghopa puhi te diꞌa na.

Proveb 7:22

Mae igne ne nomhidi nogna cheke naꞌa igre ne tei ke leghugna naꞌa jateula kaisei buluka te hata te tei mala falelehe ra neu. Ba jateula mae te noinoli te hata te tei ka suga sosolo ra neu.

Proveb 7:5

Eghuteuna jame khetogna keha mae na magnahaghei famaemahe nigho iagho mala thuru balugna, gaoghatho te keli na ginauna bara nigho, eghuteuna iagho na theome leghuni nogna cheke naꞌa na.

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Luku 24:29

Phiamare ne toreni mana, ne cheke eghu, “Iagho au balumi ghepa, naugna narane gne la rafihi, eghuteuna la namo romnohi.” Aonu mana ruma ka suga na ne au baludi phiamare.

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Fapea Korin 5:14

Nogna namha Kraes na sagheleghu ghami ghehati. Naugna ghehati laseni kaisei Kraes ngala teke lehe tughu ghita te gnafa na. Eghume tahati te gnafa na jateula te lehe balugna mana eghu.

Jajis 14:17

Aonu gaꞌase igne ne tanhi fabrahu ka mana ne ghilei thokeni fafitugna narane gaghamu igne. Eghuteuna naugna te tanhi fabrahu fara naꞌa igne, eghuteuna naꞌa toreni mana fabrahu kmana fata teu igne, ka fafitu narane na Samson ne cheke thakleni gaoghathogna grougromu igne ka naꞌa. Eghuteuna naꞌa tei ne cheke ka kheragna re.

Ululahu Samuel 28:23

Nu mae Sol tirogna ne cheke eghu, “Iara tirogu ghamu.” Phei nogna mae gloku mana re ne toghoni naikno biꞌo igne ne toreni fara mana mala ghamu. Aonu mana fanomho ka retilo ne kegra haghe ka glose na ne gnokro haghe ka sape na.