Proveb 7:14 - Buka Blahi Ka Cheke Holo

¹⁴ “Kheraguo, ginei na iara neke eni kaisei fafara ka God, eghume kmana gano au ka suga na.

Proveb 7:14 Iomraidhean Croise

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 17:1

Kakatha gano moja ka nakarha te muana na, thofno keli fara salaꞌuni kmana gano ka gaghamu ka nakarha te fodu ka fapholai.

Proveb 21:27

God na tirognani nogna fafara mae te diꞌa na. Mana tirognani tulao jame te eni mana kate au mei gaoghatho te diꞌa na.

Proveb 7:15

Tuana te mei mala thafo nigho teu iara gognarogne. Iara neke hiro nigho iagho, nu gognarona iara la deni nigho iagho.

Profet Isaia 1:13

Iara theome magnahaghedi fafara te famei fabrahu ghotilo ka iara igre. Kate gnanghodi iara nomi insens ghotilo igre, iara thono rogu luꞌadi fara. Eghume, naugna te edi fabrahu ghotilo puhi te diꞌa igre, iara jaola theome magnahaghei te filodi Gaghamu Khafa, nei Narane Sabat nei keha narane teu te khapru te faidu ghotilo are.

Levitikas 7:11

Lord ne cheke eghu, “Igre vetuladi fafara te mala laseni naiknore au ka pharikeli balugu iara na.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.