Proveb 6:6 - Buka Blahi Ka Cheke Holo

⁶ Ghotilo naikno te thodo ra, ghotilo tei filo ka puhidi duki are mala lalase jateula mare eghu.

Proveb 6:6 Iomraidhean Croise

Proveb 1:17

Thono fameomekro fara jame te horo iagho phighoro na kate filo teu nanghaji na.

Proveb 10:26

Eghuteuna te kuru teini iagho kaisei mae mala tei loku nu thodo mana teuna, tuana jateula cheke te raha ka foflo naia eghu, ba jateula gagahu khaꞌaghi te sorho ka tatha naia eghu.

Proveb 10:4

Mae te thodo na, ginauna kuma. Mae te sasaꞌa na, ginauna dedei.

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Proveb 15:19

Nakarhagna mae te thodo na jateula mae te tei ka nabrou te soro ra eghu. Nu nakarhagna mae te doglo na jateula mae te tei ka nabrou biꞌo ra eghu.

Proveb 18:9

Naikno te thodo na jateula mae te goigonidi gobigna lepo ra eghu.

Proveb 19:15

Naikno te thodo te thuru fabrahu ka suga na ginauna theo gano.

Proveb 19:24

Neuba mae te thodo na ne nhaꞌa gano ka tapera na, mana theome tangomana te nhaꞌa lao gano ka foflogna na.

Proveb 20:4

Naikno te thodo na theome loku ka nagare. Aonu kate hiro gano na, mana theome deni kaisei gano kolho.

Proveb 21:25

Naikno te thodo na magnahaghei glepo fara, nu naugna te thodo loku mana na, mana ginauna lehe.

Proveb 22:13

Mae te thodo na fiti au kolho lamna suga, cheke eghu, “Jame kaisei lion na au jare ka nabrou na. Glahu tei iara nu falehe ghau naꞌa eghu.”

Proveb 23:19

Thuguo, fanomho mei ka nogu cheke iara igre! Atha gaoghatho te keli nei leghuni puhi te doglo na eghu.

Proveb 30:24

“Ka nauthoglu igne au fati nafnata glepo ikodi, nu reꞌe autadi famane gaoghatho te keli.

Proveb 30:25

Ulu lahu na, gnata, rehati theome nheta, nu rehati salofodu ghedi gano mala theome kmoꞌe gano ka nhigra nakhete.

Proveb 6:9

Ghotilo mae te thodo ra, niha fata thuru fabrahu si ghotilo ia? Niha nau nate kegra haghe ghotilo ka sapemi re?

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Profet Jeremaea 8:7

Nanghaji te biꞌo ka maloa na are laseni narane ka finogha na, eghuteuna balhu nei keha nanghaji te ikodi teu igre jaola laseni nhigra te rifu na flalo tei delei. Nu ghotilo nogu naikno iara igre theome lasedi nogu vetula iara Lord teke tusu ari ka ghotilo ra.

Matiu 25:26

“Nogna mae funei na ne cheke eghu ka mana, ‘Ghema, iagho kaisei mae gloku diꞌa fara, nei mae thodo eghu! Uve, te chekeni iagho ia, iagho lase ghauhi iara ne jateula kaisei mae te rouronu te mala tei hata gano ka nagare aheva teke theome joꞌu thegna teuna.

Matiu 6:26

Filo si ghotilo ka nanghaji te flalo tafri are. Reꞌe theome joꞌu sisi nei theome pulei gano mei mala bubukrei ka suga na. Nu mae Kmami ghotilo te au kligna na te faghamudire. Filo si ghotilo, ghotilo glepo ke uludi nanghaji igrei ka tathagna God na.

Letas Teke Riso Tei Mae Pol Ka Khiloau Rom 12:11

Thosei thodo kate loku ranghini God na, nu taji fakeli ghami themi mala au heta fabrahu ka nomi fatutuani. Uve, loku ranghini Lord ka nagnafami fateo.

Hibru 6:12

Ghehati theome magnahaghei ghami ghotilo te thodo, nu ghehati magnahaghei ghami ghotilo mala jateula iheire teke fatutuani ni God nei ofo balu rouronu. Mare ginauna na athini unha God teke nhaꞌa cheke ranghidi.