Proveb 6:3 - Buka Blahi Ka Cheke Holo

³ Thuguo, iagho faghose tei hata koko nhaꞌa cheke teke eni iagho tuana mala snagla iagho, naugna iagho la auhi ke parigna nogna nolaghi mana.

Proveb 6:3 Iomraidhean Croise

Fapea Samuel 24:14

Aonu mae Devet ne cheke eghu ka mae Gad, “Iara thofno diꞌanagnafagu fara ka cheke te eni iagho igne. Eghume te keli na, lisa lao ka thegna Lord mala eni unha te magnahaghei eni mana ka ghehati na, naugna Lord na mae namha. Nu iara theome magnahaghedi mae naoka igre te mei goigoni ghau iara na.”

Fapea Kronikols 12:5

Profet Semaea tei ne filoni King Rehoboam baludi mae lida di Juda teke rikhani Sisak te kafe au fodu teu Jerusalem. Mana ne cheke eghu ka mare, “Lord ne cheke eghu, ‘Ghotilo tei koko ghau iara, eghume, iara ginauna tei koko ghami ghotilo ka khamegna Sisak!’ ”

Fapea Kronikols 36:12

King igne edi glepo te diꞌa ka tathagna Lord, eghuteuna mana theome nhaꞌa faparini thegna ka profet Jeremaea, mae ihei te toutonuni chekegna Lord ka mana igne.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Proveb 6:2

Nou nhaꞌa cheke iagho themu igne ginauna fakhale nigho iagho jateula phighoro teke eni kolho iagho ia eghu.

Proveb 6:4

Iagho thosei thuru, iagho tei eni igne gognarola.

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.