Proveb 6:29 - Buka Blahi Ka Cheke Holo

²⁹ Filo sagho, mae te thuru balugna khetogna keha mae na, papara biꞌo ginauna thokeni mana.

Proveb 6:29 Iomraidhean Croise

Jenesis 20:2

Eghuteuna jare mae Ebraham ne cheke eghu ka naiknore, “Sera gne gregagu iara.” Aonu mae Abimelek mae king gna jare na nomhini igne ne chekedi nogna mae glokure ne tei hata Sera na ka mana.

Fapea Samuel 11:27

Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Fapea Samuel 16:21

Aonu mae Ahitofel ne cheke eghu ka mana, “Iagho tei thuru baludi nogna gaꞌase gloku mae kmamu teke lisa faleghu mana mala reireghini nogna suga king teku ra. Ka puhi igne naikno te gnafa Israel igre ginauna laseni mae kmamu iagho na thofno tirogna nigho iagho fara. Aonu naikno te leghu nigho iagho igre ginauna ghaoghatho heta te mala leghu nigho iagho na.”

Eksodas 20:17

“Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Proveb 16:5

Lord na theome magnahaghedi iheire te fahaehaghe fara are. Mana ginauna paradi mare.

Proveb 6:28

Ba, jame te tapla iagho ke kligna khaꞌaghi na, iagho ginauna theome thunu?

Profet Esikiel 18:6

Mana theome tangomana te tufru soru ka mumuju teke tufru soru naiknodi Israel ke kligna thogele ra. Eghuteuna mana theome tangomana te ghamu nafnahi teke fafara mare ka mumuju igre. Mana theome tangomana te thuru fodu ka khetogna mae kheragna fofodu na, ba thuru balugna gaꞌase te filoni khafa na.

Profet Esikiel 22:11

Eghuteuna kehare ei puhi diꞌa ka khetodi thabusidi thedi re, eghuteuna kehare ei puhi diꞌa ka thudi gaꞌase ivadire, ba ka greghadire, neuba greghagna igne ne thofno thugna kmadi na neu ngala.

Levitikas 18:20

“Eghuteuna blahi mae ihei te thuru balugna khetogna mae kheragna na, naugna puhi igne fathonani mana ka tathagu iara na.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Ululahu Korin 7:1

Gognaro na iara magnahaghei te cheke tughudi unha teke riso mei ghotilo ka iara ra. Ulu lahu na, te keli na mae nalhaꞌu na thosei thuru balugna kaisei gaꞌase.