Proveb 6:26 - Buka Blahi Ka Cheke Holo

²⁶ Jame mae te thuru balugna gaꞌase vine na, mana na koko sileni ikoi kolho. Nu mae te thuru balugna khetogna keha mae na, mana ginauna fahuini nakarhagna na.

Proveb 6:26 Iomraidhean Croise

Jenesis 39:14

naꞌa ne ehadi mae glokure ne cheke eghu, “Filo si ghotilo! Khetogu iara gne ne hata ne mei maegna Hibru gne ka noda suga gne la famamaja ghita tahati gognaro na. Mana neke mei ka nogu chogho iara gne ne tore ghau iara mala thuru balugna neu. Nu iara ne eha fabiꞌo fara.

Jenesis 39:7

Kaisei narane ke leghudi igre, khetogna mae Potifa na ne au nogna gaoghatho ka mae Josep neke cheke eghu ka mana, “Iagho mei mala thuru balugu iara.”

Proveb 23:28

Nafnata gaꞌase igne ofo nalhaꞌu kolho jateula mae te poru te mala blau teura eghu. Ka puhi igne kmana mae kokodi khetodire.

Proveb 29:3

Mae te magnahaghei hata gaoghatho te keli na, idogna kmagna manare kelitadi fara. Nu mae ihei te magnahaghei tei ka thau vine na, koko fahui nogna sileni re.

Proveb 29:8

Ihei te cheke fadiꞌadi koba keha naiknore tangomana te eni puhi biꞌo ka namono na. Nu ihei te autagna gaoghatho te keli na tangomana te fabeatani nagnafagna naikno te diꞌatagna na.

Proveb 5:10

Eghuteuna glepo teke kmusadi iagho ra ginauna tei ka khamedi keha maei.

Proveb 5:9

Na glahu diꞌa nanghamu na, eghuteuna lehe iagho kani majaghani nga eghu.

Proveb 6:27

Ba, jame te aiꞌachi iagho khaꞌaghi na ka baemu na, ginauna theome thunu?

Proveb 7:23

Nu mae igne theome laseni nate sukha jata na. Mana jateula kaisei nanghaji te flalo nu khale lamna fangna, eghuteuna theome laseni kolho te leghuni teu nabrou glehe na.

Profet Esikiel 13:18

Iagho cheke ka reꞌe te iara Lord te chekeni igne: ‘Kokhoni ghami fara ghotilo gaꞌase profet ra! Ghotilo susuki famane pohe mala haru ka khamemi ghotilo are mala ei naitu, eghuteuna vido pohe te mala nanhaꞌa ka phaꞌudi naiknore mala saesaghe leghuni nakarhagna keha mae na. Ba, ghotilo tangomana te fakarhidi nakarhami re kate saesaghe leghudi ghotilo nakarhadi nogu naikno iara gre? Theo kolho!

Profet Esikiel 13:8

“Eghume Lord ne cheke eghu: Naugna ghotilo mae profet chaichaghi ra chekedi koba eidi mifi igre, iara Lord cheke tutuani ka ghotilo, iara thono fapari ghami ghotilo.

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Ululahu Samuel 2:36

Eghuteuna jame ihei ka tharaknamu iagho igne te karha teu ka narane tuana, mana ginauna tei filoni nogu mae pris iara igne mala tore sileni nei gano eghu. Uve, mana ginauna tore eghu, ‘Iagho vahi ghau iara mala eni iara nogna gloku mae pris na mala tangomana iara te au gano te mala ghamu na.’ ”