Proveb 6:25 - Buka Blahi Ka Cheke Holo

²⁵ Neuba gaꞌase igne ne famane fara thinigna na, iagho thosei lehe nou ka naꞌa. Neubane kaflo gehe naꞌa ka iagho, iagho thosei snakreni naꞌa mala ulu nigho.

Proveb 6:25 Iomraidhean Croise

Fapea Kings 9:30

Mae Jehu ne tei thoke Jesrel. Eghuteuna kate nomhini Kuin Jesebel nonomho igne, naꞌa ne lalaoni phei tathagna re, eghuteuna pore fakeli khaklagna re. Aonu naꞌa kegra ka wida gna nogna suga na ne filo soru ka nabrou biꞌo na.

Thoutonu Eigna Mae Job 31:1

Job ne cheke eghu: “Iara la enihi kaisei nhaꞌa cheke, mala theome filo tutu ka gaꞌase, eghuteuna thosei ghaoghatho mala eni puhi te diꞌa na ka naꞌa.

Famane Khoje 4:9

Kheraguo, iagho kheragu iara. Kate filo iara ka tathamu iagho na iara filoni khekeve igne ka graramu iagho, iagho thofno goigoni nagnafagu iara na.

Profet Isaia 3:16

Lord neke cheke eghu, “Gaꞌasedi Jerusalem igre thofno faghaja fara! Kate nolo tafri na, rehati filo haghe kligna balu sepe-sepe thinidire, eghuteuna kaflo gehe ka mae nalhaꞌure. Eghuteuna rehati solt sesele ka ghahedire mala taitanhi kate nolo tafri rehati re, mala filo lao mae nalhaꞌu tadi.

Profet Jeremaea 4:30

Jerusalem, kate groꞌe na, unha nate eni iagho ginauna? Iagho pipichi ka pohe ukru nei lalaoni ka glepo teke hohoro ka gol. Eghuteuna peda fakeli tathamu na. Nafnata glalaoni igre theome mala togho ghami ghotilo. Naugna mae kherami fofodu ghotilora tirodi ghamihi ghotilo, eghuteuna gognarona mare magnahaghei fara te falehe ghami ghotilo na.

Profet Esikiel 23:40

“Repa fatei cheke ka nalhaꞌu te au khaba ka namono delei mala mei ka repa. Kate posa mei mare na, repa ne famane apu, eghuteuna peda tatha, eghuteuna lalaoni ka famane glepo te keli teke horo ka thina, aonu repa kilo meidi mae igre ka sugadi re.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Diutronomi 5:21

Thosei mamagnadi nogna glepo kherami fofodu na mala hata mala nomi themi. Thosei mamagnani khetogna mana na, ba nogna suga na, ba nogna nagare na, ba nogna naikno gloku na, ba nogna buluka na, ba nogna dongki na, ba unha nogna glepo mae kheramu fofodu na.”