Proveb 6:16 - Buka Blahi Ka Cheke Holo

^16-19 Lord theome magnahaghedi naiknore te edi fitu puhi igre: puhi fahaehaghe, puhi chaichaghi, puhi falehe naikno, puhi gaoghatho mala eni puhi te diꞌa na, puhi te tapla jafra ka nakhibo, puhi te cheke chaichaghi ka fate, nei puhi faripholai.

Proveb 6:16 Iomraidhean Croise

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Thoutonu Eigna Mae Job 5:19

God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.

Nodi Khoje Hatimare Mae Jiu 11:5

Lord na filo glani nakarhagna ihei te keli na nei ihei te diꞌa na eghu. Nu mana theome magnahagheni ihei te kuru magridi keha naiknore.

Nodi Khoje Hatimare Mae Jiu 5:7

Naugna ka nou namha biꞌo iagho ranghi ghau iara, iara nabagu te tei ruma ka Sugamu iagho te blahi na. Iara ginauna na tei ka sugamu iagho te blahi tuana mala tufru soru nigho nei tarai eghu.

Proveb 11:1

Lord theome magnahaghedi naikno te skel chaichaghi na. Nu mana keli tagna ka naikno te skel fadoglo na.

Proveb 11:20

Lord theome magnahagheni ihei te au gaoghatho te diꞌa ka thiꞌagna na. Nu mana namhani ihei te doglo na.

Proveb 12:22

Lord na theome magnahagheni mae ihei te fodu chaichaghi ka foflogna na. Nu keli tagna ka mae ihei te cheke kate tutuani fabrahu.

Proveb 17:15

Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Proveb 20:10

Lord na tirogna te skel chaichaghi na. Nafnata skel te diꞌa igne mana suku nognani.

Proveb 20:23

Lord na theome gle'ani te skel chaichaghi na. Mana tirognani nafnata skel te diꞌa igne.

Proveb 21:4

Naikno te eni puhi te diꞌa na, mana fahaehaghe nei filo faparidi eghu keha naiknore. Eghume nakhibo na fodu ka thiꞌagna mana na.

Proveb 3:32

Naugna Lord na theome magnahaghedi naikno te diꞌa re. Nu mana rouronudi mae te doglo re, eghuteuna cheke fajiflani gaoghathogna na ka mare.

Proveb 30:18

“Jare na thilo glepo te jaglo nogudi iara re, kaisei na, gaghata te flalo ka maloa, keha na, mogo te tagu ka glose, eghuteuna fatilo na, vaka te tei ke kligna thongna. Eghuteuna fafati glepo na iara theome laseni, igne puhigna mae nalhaꞌu te namhani gaꞌase na.

Proveb 30:21

“Igre thilo glepo te fakheuni nauthoglu igne na: Kaisei mae gloku te kegra king, kaisei mae te fameomekro te dedei fara, eghuteuna gaꞌase igne theo kaisei nalhaꞌu te magnahagheini naꞌa, nu naꞌa tolaghi. Eghuteuna fafati glepo na thofno ninhigrana fara, gaꞌase gloku teke tughuni nogna nakrupe na.

Proveb 30:24

“Ka nauthoglu igne au fati nafnata glepo ikodi, nu reꞌe autadi famane gaoghatho te keli.

Proveb 30:29

“Aonu thilo glepo igre te nolo tafri na ngala te glepo ulu ka mare na: Lion, naꞌa nheta fara theome mhaghuni kaisei glepo te tautagu. Khokorako nalhaꞌugna te nolo ke ulugna khokorako gaꞌasegna, nei nanigot nalhaꞌugna. Eghuteuna fafati na, king ne ghejeni fara kate nolo balu nogna armi na.

Proveb 6:15

Nu hoholo biꞌo ginauna megei nga thokedi mare, eghuteuna mare ginauna lehe eidi.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Profet Jeremaea 26:15

Nu kaisei glepo te mala lase fakelini ghotilo na igne. Jame te falehe ghau iara ghotilo na, ghotilo ginauna thofno nakhibomi fara, naugna ghotilo ne faleheni mae ihei te theome eni kaisei najafra na. Eghuteuna ghotilo balugna namono igne nei iheire fateo te au ka namono igne nabami na au papara eigna glepo igne. Naugna Lord thegna neke kuru mei ghau iara ka ghotilo mala toutonudi glepo igre mala nomhidi ghotilo.”

Profet Emos 1:11

Lord ne cheke eghu, “Kmana fata naiknogna kantri Idom tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare theome kokhonidi thabusidi thedi maedi Israel igre. Mare diꞌatadi fara ne ngolhi leghudi ne tei aknu falehedi ka naflahi. Eghuteuna diꞌa tadi mare igne theo ka gnafagna. Eghume, iara ginauna roꞌedi maedi Idom igre.

Profet Emos 1:3

Lord ne cheke eghu, “Naugna te tapla jafra fabrahu naiknodi Damaskas ka nakhibo, iara ginauna thofno para ghami fara ghotilo eidi puhimi ghotilo te diꞌa tuare. Ghotilo fakokhoanadi nei goigonidi eghu naiknodi Gilead.

Profet Emos 1:6

Lord ne cheke eghu, “Naiknodi Filistia igre tapla jafra fabrahu ka nakhibo. Mare theome gnafa katha vido ikoi te eni puhi igne. Thono theo fara. Kate tei ka magra te uluni kaisei namono na, mare hata tei naiknogna namono tuana mala foli jateula naikno sneka eghu ka kantri Idom. Tutuani fara, iara ginauna thofno paradi naiknodi Filistia te edi nafnata puhi te diꞌa igre.

Profet Emos 1:9

Lord ne cheke eghu, “Kmana fata naiknodi Taea tapla jafra ka nakhibo. Mare theome gnafa katha vido ikoi ka puhi igne. Thono theo fara. Kate tei ka magra te uluni kaisei namono na, mare hata naiknogna namono tuana mala tei foli jateula naikno sneka eghu ka kantri Idom. Tifa na mare neke nhaꞌa cheke mala au ka pharikeli baludi vike igre, nu mare theome leghuni kolho nodi nhaꞌa cheke na. Tutuani fara, iara ginauna roꞌeni namono biꞌo Taea eidi nafnata puhi te diꞌa te edi naiknore igre.

Profet Emos 2:1

Lord ne cheke eghu, “Kmana fata naiknogna kantri Moab tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare theome ghatho tahuni king gna Idom. Aonu mare hata fajifla nhubragnare ka bekugna na ne gnubra ka khaꞌaghi ne ghilei vuhai nakrofu. Eghume, iara ginauna roꞌeni kantri Moab.

Profet Emos 2:4

Lord ne cheke eghu, “Kmana fata naiknogna kantri Juda tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare tirodi fanomho ka nogu cheke iara na, eghuteuna mare jaola huhughuni nogu vetula iara na. Naikno igre thofno fagoigoli fara la theome leghu ghau iara. Mare leghuni mumuju god jateula teke edi mae kuꞌedi tifa ra eghu. Eghume, te chekeni iara na, iara ginauna roꞌeni Juda.

Profet Emos 2:6

Lord ne cheke eghu, “Kmana fata naiknogna kantri Israel tapla jafra ka nakhibo. Mare theome gnafa katha vido ikoi ka puhi igne. Thono theo fara. Eghume, iara ginauna thofno paradi naikno igre. Naugna mare ne sabiri naikno te theome tangomana teke tughu fapulo nodi kaonire mala jateula naikno sneka eghu. Eghuteuna mare jaola theome kokhonidi naikno te kumare. Naugna naikno te kuma igre ne theome tangomana teke tughu fapulo sileni teke foli sadol na.

Profet Sekaraea 8:17

Ghotilo thosei eni kaisei gaoghatho te diꞌa mala goigonidi kherami re. Eghuteuna kate eni ghotilo nhaꞌa cheke na, ghotilo thosei chaghi. “Puhi te chaghidi naiknore igne, goigonidi kheradire, eghuteuna fateni naikno na ka puhi te theome doglo, puhi igre iara thofno tirogudi.” Igne nogna cheke Lord.

Diutronomi 23:18

Thosei hata mei kaisei sileni jateula fafara teke nhaꞌa chekeni ka Lord nomi God na eghu, glahu neke hata mana sileni igne ka nogna gloku vine nalhaꞌu ba gaꞌase. Lord thofno tirognadi fara phei nafnata vinegna vido blahi na.

Diutronomi 24:4

Jame te thoke mei puhi igre na, khetogna ulu lahu naꞌa igne theome tangomana teke tolaghi ka naꞌa na, naugna gaꞌase igne theome klino ka tathagna God, eghuteuna theome keli ka tathagna Lord na khetogna ulu lahu naꞌa igne teke tolaghi ka naꞌa na. Ghotilo ginauna thosei eni nafnata puhi te diꞌa igne ka glose teke tusu ari Lord ka ghotilo igne.”

Diutronomi 25:16

Nu Lord nomi God thono tirognani fara naikno te chaghini ihei ka nogna bisnis na.”

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.