Proveb 6:14 - Buka Blahi Ka Cheke Holo

¹⁴ Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Proveb 6:14 Iomraidhean Croise

Nodi Khoje Hatimare Mae Jiu 140:2

Mare roghedi kolho glepo te diꞌare, eghuteuna nodi chekere jaola mala fa eꞌei magra kolho.

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Proveb 14:22

Mae te ghaoghaho eigna puhi te diꞌa na, ginauna ari jafra. Nu naiknore rouronuni nei ghatho tahuni eghu mae te eni gaoghatho te keli na.

Proveb 16:27

Mae te diꞌa na magnahaghei te eni puhi te diꞌa na. Eghuteuna nogna cheke re brana jateula khaꞌaghi eghu.

Proveb 17:20

Ihei te fodu ka gaoghatho te diꞌa na, mana ginauna theome au fakeli. Eghuteuna ihei te cheke diꞌa fabrahu na ginauna khale ka puhi biꞌo.

Proveb 2:14

Mare kelitadi ka thua glepo te diꞌa fateote'o, eghuteuna leghuni puhi te diꞌa na.

Proveb 21:8

Puhigna mae te diꞌa na chaichaghi. Puhigna naikno te keli na doglo.

Proveb 22:8

Mae te joꞌu glepo te diꞌa na, mana dokha puhi biꞌo. Puhigna mana te diꞌa igne, ginauna ari theo nafugna.

Proveb 24:8

Mae ihei te ghathoni fabrahu puhi te diꞌa na, mare kiloni mae igne kaisei mae glalama.

Proveb 3:29

Thosei goigonini kheramu fofodu te au rhemui na, naugna mana rouronu kolho ka iagho.

Proveb 3:32

Naugna Lord na theome magnahaghedi naikno te diꞌa re. Nu mana rouronudi mae te doglo re, eghuteuna cheke fajiflani gaoghathogna na ka mare.

Profet Isaia 32:7

Puhigna mae te chaichaghi igne jaola diꞌa fara, eghuteuna leuleghu fata na mana ghaoghaho te mala goigonidi naikno te kuma re, neuba mare ne doglo neu kolho.

Profet Isaia 57:20

Nu naikno te tirodi ghau iara re jateula thongna te malura eghu theome au kmu. Nu leuleghu fata na, ghoro falonga mata ka gratha na kmana chara nei chopu eghu. Eghume, naikno te diꞌa na jateula tuana eghu.

Profet Esikiel 11:2

Lord ne cheke eghu ka iara, “Maegna ka nauthoglu. Mae igre mare ghaoghaho mala edi keha puhi te diꞌa, eghuteuna tusu lao farirhiu te diꞌa ka naikno te gnafa ka namono igne.

Profet Hosia 8:7

“Puhi te diꞌa te eni mare igne jateula kaisei nuri ikoi eghu kolho. Eghuteuna unha nate thoke mei ka puhi igne na ginauna na roꞌedi mare jateula kaisei seseuru biꞌo te mei roꞌedi namono biꞌo ra eghu. Eghuteuna mare jateula nagare wit te theome ure te theo kaisei bret te mala ima ra neu. Neuba ne ure wit, keha kantri delei nate mei te ima na.

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.