Proveb 5:3 - Buka Blahi Ka Cheke Holo

³ Foflogna gaꞌase te magnahaghei eni puhi te diꞌa na mamahe jateula suka eghu, eghuteuna kisigna na famane fara.

Proveb 5:3 Iomraidhean Croise

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Proveb 2:16

Jame khetogna keha mae na cheke famaemahe ka iagho, gaoghatho te keli na ginauna bara nigho, eghuteuna iagho ginauna theome leghuni nogna cheke gaꞌase igne.

Proveb 22:14

Gaꞌase te mala eni puhi te diꞌa na lase cheke famaemahe ka mae nalhaꞌu na, eghuteuna nogna cheke naꞌa igne jateula kaisei glave mamhara eghu. Nu Lord ginauna diꞌatagna fara ka mae ihei te fanomho ka cheke famaemahe igne te uka ka glave mamhara igne.

Proveb 5:20

Thuguo, iagho thosei ghathoni fara gaꞌase te mala eni puhi te diꞌa na, eghuteuna iagho thosei kelitamu ka khetogna mae kheramu na.

Proveb 6:24

Nodi cheke repa igre ginauna togho nigho iagho mala theome fanomho ka nogna cheke famaemahe khetogna keha mae na. Eghuteuna lhoti nigho iagho mala thosei tei iagho ka gaꞌase te magnahaghei eni ghopa puhi te diꞌa na.

Proveb 7:21

Aonu nogna cheke famaemahe gaꞌase na igre ne figrini gaoghathogna mae majaghani igne.

Proveb 7:5

Eghuteuna jame khetogna keha mae na magnahaghei famaemahe nigho iagho mala thuru balugna, gaoghatho te keli na ginauna bara nigho, eghuteuna iagho na theome leghuni nogna cheke naꞌa na.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Famane Khoje 4:11

Kheraguo, phepeomu iagho na mamahe jateula jurukuli, eghuteuna glapimu iagho na mamahe jateula milk balu jurukuli. Nou pohe iagho na siri keligna fara, jateula te famane sisirigna gaju sida gna Lebanon.