Proveb 5:23 - Buka Blahi Ka Cheke Holo

²³ Nafnata naikno igne theome tangomana te fadoglini nakarha gna thegna na, eghume, puhi gna mana te fameomekro igne ginauna faleheni thegna.

Proveb 5:23 Iomraidhean Croise

Thoutonu Eigna Mae Job 36:12

Nu jame te theome fanomho fakeli mare ka God, mare ginauna lehe ka magra naugna mare ne theome lalase.

Thoutonu Eigna Mae Job 4:21

Naikno na jateula suga tapuale te krutha gnarhogna na te grofo pari, te fiti lehe kolho ka naꞌiho na.”

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.

Nodi Khoje Hatimare Mae Jiu 94:23

Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.