Proveb 5:20 - Buka Blahi Ka Cheke Holo

²⁰ Thuguo, iagho thosei ghathoni fara gaꞌase te mala eni puhi te diꞌa na, eghuteuna iagho thosei kelitamu ka khetogna mae kheramu na.

Proveb 5:20 Iomraidhean Croise

Ululahu Kings 11:1

King Solomon magnahagheidi fara kmana gaꞌasedi keha kantri are. Ulu lahu na mana tolaghi ka thugna gaꞌase king gna Ijep, eghuteuna mana tolaghi ka keha gaꞌase ka vikegna mae Het, nei gaꞌase di Moab, Amon, Idom, nei Saedon.

Proveb 22:14

Gaꞌase te mala eni puhi te diꞌa na lase cheke famaemahe ka mae nalhaꞌu na, eghuteuna nogna cheke naꞌa igne jateula kaisei glave mamhara eghu. Nu Lord ginauna diꞌatagna fara ka mae ihei te fanomho ka cheke famaemahe igne te uka ka glave mamhara igne.

Proveb 23:33

Tathamu iagho are ginauna filodi thua nafnata glepo, eghuteuna gaoghathomu iagho na ginauna ghathodi thua nafnata glepo te diꞌa.

Proveb 5:3

Foflogna gaꞌase te magnahaghei eni puhi te diꞌa na mamahe jateula suka eghu, eghuteuna kisigna na famane fara.

Proveb 6:24

Nodi cheke repa igre ginauna togho nigho iagho mala theome fanomho ka nogna cheke famaemahe khetogna keha mae na. Eghuteuna lhoti nigho iagho mala thosei tei iagho ka gaꞌase te magnahaghei eni ghopa puhi te diꞌa na.

Proveb 7:5

Eghuteuna jame khetogna keha mae na magnahaghei famaemahe nigho iagho mala thuru balugna, gaoghatho te keli na ginauna bara nigho, eghuteuna iagho na theome leghuni nogna cheke naꞌa na.

Profet Malakai 2:14

Ba? Naugna unha site eghu ghotilo gnea? Mana theome magnahaghedi unha te tufa ghotilo ka mana re, naugna mana lasedi te theome tajini ghotilo nomi nhaꞌa cheke teke eni ghotilo ka tholaghi ia kate tolaghi. Kani teke majaghani na ghotilo neke nhaꞌa cheke ka khetomire. Eghuteuna neubane eghu ngau, ghotilo theome leghuni kolho nomi nhaꞌa cheke na.

Profet Malakai 2:16

“Igne nogna cheke Lord noda God tahati maeda Israel. Mana neke cheke eghu, ‘Iara theome magnahagheni nafnata puhi te koko ghotilo khetomi gre. Nafnata puhi te koko ghotilo khetomire igne, iara thofno tiroguni fara. Eghume, te chekeni iara na, reireghi fakelidi nakarhami are, nei thosei huhughuni nomi nhaꞌa cheke teke eni ghotilo ka narane teke tolaghi ia eghu.’ ”