Proveb 5:2 - Buka Blahi Ka Cheke Holo

² Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.

Proveb 5:2 Iomraidhean Croise

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Nodi Khoje Hatimare Mae Jiu 71:15

Iara ginauna cheke edi glepo te doglo teke edi iagho ra, funu hamerane ghilei posa fei grafi. Iara ginauna cheke eigna nou nolaghi iagho te mala fakarhidi naiknore. Neubane theome raꞌe lase fakelidi iara, iara ginauna cheke fajifladi ngala.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 16:23

Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Proveb 20:15

Nogna cheke mae te fodu ka gaoghatho te keli na uludi fara gol, buli nei daemon.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Famane Khoje 4:11

Kheraguo, phepeomu iagho na mamahe jateula jurukuli, eghuteuna glapimu iagho na mamahe jateula milk balu jurukuli. Nou pohe iagho na siri keligna fara, jateula te famane sisirigna gaju sida gna Lebanon.