Proveb 5:16 - Buka Blahi Ka Cheke Holo

¹⁶ Iagho jaola jateu glokha khoꞌu eghu, thosei snakredi keha gaꞌase are mala koꞌu tagna.

Proveb 5:16 Iomraidhean Croise

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Nodi Khoje Hatimare Mae Jiu 128:3

Khetomu iagho na ginauna jateula gaju te ure sisi ia eghu na au kmana thugna, eghuteuna goro sua igre ginauna na jateula gaju ikodi te kotu faligohoni pesigna gaju biꞌo na ia eghu na gnokro faligohoni tevo na balumu iagho.

Nodi Khoje Hatimare Mae Jiu 68:26

Mare ne koje eghu, “Tahati nogna naikno God ra kafe mei mala koje kilo fnaknoni mana. Tahati vikegna Jekop ra pala hagheni nanghagna Lord.”

Proveb 5:15

Khetomu iagho na jateula glokha khoꞌu eghu, iagho mala koꞌu tagna kolho.

Proveb 5:17

Ghopa kolho te mala koꞌu ka nomi glokha khoꞌu themi na, thosei snakreni ka ihei nga mala koꞌu tagna.

Proveb 5:18

Thofno keli fara te magnahagheni fara iagho thinigna khetomu teke kulu tolaghi iagho na.

Proveb 9:17

“Khoꞌu te blau iagho igne, mamahe salaꞌui! Eghuteuna gano te ghamu poru iagho igne, famane mamahe fara!”

Famane Khoje 4:12

Kheraguo, iagho khetogu iara. Iagho jateula kaisei nagare balu gringni te lithu ka thina, aheva iara thegu kolho nate tangomana te tei lamna tagna na. Jare na au kaisei glokha khoꞌu lamna, aheva iara thegu kolho nate koꞌu tagna na.

Famane Khoje 4:15

Iagho jaola jateula kaisei glokha khoꞌu ka nagare, aheva te fodu ka khoꞌu te keli. Jateula khoꞌu te loloro soru funu ka thogele ro Lebanon.

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.

Jajis 12:9

Mana au tolufulu thugna nalhaꞌu nei tolufulu thugna gaꞌase. Mana snakredi thugna gaꞌasere mala tolaghi ka keha tharakna te theome vikegna mana. Eghuteuna hata gaꞌase ka keha tharakna te theome vikegna manare mala mei tolaghi ka thugna nalhaꞌure. Mana batudi naiknodi Israel nabagna fitu finogha,