Proveb 4:5 - Buka Blahi Ka Cheke Holo

⁵ Iagho mala hata gaoghatho te keli nei glalase te keli eghu. Iagho mala theome lisa kokodi, ba ghatho ihodi phei glepo igre.

Proveb 4:5 Iomraidhean Croise

Fapea Kronikols 34:2

King igne mana edi glepo te doglo re ka tathagna Lord, eghuteuna mana leghudi koba nogna baubatu te keli teke edi kuꞌegna King Devet tifa ra, nei edi fabrahu kolho unha glepo te doglo.

Thoutonu Eigna Mae Job 23:11

Leuleghu fata na, iara ghatho tahuni mana, eghuteuna iara leghudi puhigna mana re. Iara theome tei kokoni mana mala leghuni kaisei nabrou delei.

Nodi Khoje Hatimare Mae Jiu 119:157

Hatimare mae naoka te fakokhoana ghau iara igre la ghilei kmana fara, nu iara theome gnafa te leghuni kolho nou farirhiu iagho na.

Nodi Khoje Hatimare Mae Jiu 119:51

Naikno te fahaehaghe igre mare maꞌe ghau iara nu iara theome ghatho ihodi nou famane farirhiu iagho re.

Nodi Khoje Hatimare Mae Jiu 44:18

Ghehati theome tei koko nigho, nu ghehati leghu nigho iagho fabrahu kolho.

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Proveb 17:16

Theome keli te foli skul fi ka mae te theome autagna gaoghatho te keli na, naugna mana ne tirogna hiohiro.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Proveb 19:8

Te magnahaghei gaoghatho te keli iagho na, igne glepo te keli mala eni iagho na. Iagho magnahaghei hata glalase, iagho na thofno kelitamu fara.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Proveb 4:7

Gaoghatho te keli na glepo ulu fara, iagho mala hata. Neuba glalase te keli na ne ninhigrana fara, iagho mala jaola hata.

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.