Proveb 4:4 - Buka Blahi Ka Cheke Holo

⁴ mae kmagu iara na neke farirhiu ghau iara neke cheke eghu, “Thuguo, ghathodi gobigna lepo teke chekedi iara ka iagho ra. Te leghu fakelidi iagho nogu cheke iara igre na, iagho ginauna karha.

Proveb 4:4 Iomraidhean Croise

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 119:144

Nou farirhiu iagho re doglo fabrahu tifa tifa. Tusu mei glalase ka iara sagho mala karha iara.

Nodi Khoje Hatimare Mae Jiu 119:168

Iara leghu nou cheke nei nou farirhiu teu iagho re. Iagho filodi gobigna lepo te edi iara re.

Proveb 22:6

Farirhiudi suare mala leghuni puhi te doglo na, kate biꞌo haghe na, mare ginauna na theome ghatho ihoni farirhiu tuana.

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Proveb 3:2

Jame te leghuni iagho cheke igne na, iagho ginauna au raugha ka nauthoglu igne, eghuteuna iagho ginauna au ka pharikeli.

Proveb 7:2

Jame te leghu fakelidi iagho nogu cheke iara igre na, iagho ginauna au fakeli. Taji fakelidi nogu cheke iara igre, jateula iagho te taji fakelidi phei tathamu are eghu.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Profet Jeremaea 38:20

Mae Jeremaea ne cheke eghu, “Mare ginauna theome lisa lao nigho iagho ka khamedi mare. Nu igne unha te chekeni iara ka iagho na, jame te leghuni iagho nogna cheke Lord te chekeni iara igne na, iagho ginauna karha.

Jone 12:50

Eghuteuna te laseni iara na karha fei tifa na mei ka unha te chekedi mae Mama igre. Eghume unha mala chekedi iara ka ghotilo teku mae Mama re te chekedi iara igre.”

Efesus 6:4

Iara magnahaghei cheke ka ghotilo mae iheire te kmadi suara, thosei eni kaisei puhi ba cheke te mala diꞌa tadi fara thumire. Nu ghotilo taji fakelidi nei farirhiudi eghu ka puhida tahati naikno khiloau.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 6:6

Ghotilo mala au gaoghathomi fabrahu ka cheke te tusu ari iara ka ghotilo gognarogne.

Fapea Timoti 1:5

Iara laseni nou fatutuani iagho ka Lord Jisas Kraes na thono heta fara, jateula teke eni kavemu Loesi ghe idomu Iunisi tifa ia eghu. Te ghathoni fara iara na u nafnata fatutuani te heta fara tuana te au ka iagho gognaro na.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Jajis 13:12

Aonu mae Manoa ne ghusna eghu ka mana, “Jame te tutuani nou cheke iagho igne na, unha nate eni ghepa ka mae sitei igne na? Eghuteuna unha nafnata vetula nate leghudi mana ka nakarhagna nei nogna gloku teure?”