Proveb 4:24 - Buka Blahi Ka Cheke Holo

²⁴ Iagho thosei cheke chaichaghi nei cheke diꞌa eghu, iagho chekeni kolho cheke te tutuani na.

Proveb 4:24 Iomraidhean Croise

Thoutonu Eigna Mae Job 11:14

Iagho koko puhimu te diꞌa re, eghuteuna iagho thosei snakreni kaisei glepo te diꞌa ka nou namono na.

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Proveb 10:32

Naikno te doglo na, cheke fadoglo. Nu naikno te diꞌa na tangomana te cheke chaghi fabrahu na.

Proveb 17:20

Ihei te fodu ka gaoghatho te diꞌa na, mana ginauna theome au fakeli. Eghuteuna ihei te cheke diꞌa fabrahu na ginauna khale ka puhi biꞌo.

Proveb 19:1

Mae te kuma, nu doglo nakarhagna na teuna, mana thofno keli fara uluni mae te fameomekro na balugna nogna cheke te diꞌa na.

Proveb 4:25

Iagho filo fadoglo ka nabrou te tei iagho na, thosei filo tafri.

Proveb 6:12

Naikno te diꞌa re chaghi tafridi naiknore.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Proveb 8:8

Cheke te gnafa te chekedi iara igre thofno doglo fara, iara theome tangomana te chekeni cheke te theome doglo na.

Profet Esikiel 18:31

Ghotilo koko puhimi te diꞌa te figri tagru ghau iara are, eghuteuna ghaoghathomi nei puhi ka nakarhami teu ghotilo are mala ke majaghani fapulo. Ghotilo naiknomi Israel ra! Naugna unha si ghotilo te magnahaghei lehe kolho gnea?

Kolose 3:8

Nu gognaro na ghotilo mala nhaꞌa fadelei puhi te diꞌa igre: diꞌatami, magnahaghei eni puhi te diꞌa ranghini ihei, cheke faparini ihei, cheke diꞌa,

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Jemes 1:21

Eghume, koko nafnata nakhibo nei puhi te diꞌa eghu te edi ghotilo are. Thosei fahaehaghe, nu nhaꞌa fapari ghami themi nei leghuni eghu nogna farirhiu God teke farirhiu ghotilo ia. Naugna farirhiu igne ngala tangomana te fakarhi ghami ghotilo na.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.