Proveb 4:23 - Buka Blahi Ka Cheke Holo

²³ Saghe leghu fakelini nagnafamu na, eigna nakarhamu iagho na jifla mei jare.

Proveb 4:23 Iomraidhean Croise

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Proveb 11:16

Naiknore ghatho tahuni gaꞌase te keli puhigna na. Nu naiknore theome ghatho tahuni mae te tei te goigonidi keha naiknore.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Proveb 23:19

Thuguo, fanomho mei ka nogu cheke iara igre! Atha gaoghatho te keli nei leghuni puhi te doglo na eghu.

Proveb 28:26

Mae te ronuni nogna gaoghatho thegna na, mana mae fameomekro kolho. Nu mae te rouronu ka gaoghatho te keli na ginauna au fakeli.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Proveb 4:7

Gaoghatho te keli na glepo ulu fara, iagho mala hata. Neuba glalase te keli na ne ninhigrana fara, iagho mala jaola hata.

Eklesiasti 5:13

Iara filoni kaisei glepo te diꞌa fara te au ka nauthoglu igne. Kaisei mae salo fodu kmana sileni tarabana eigna nathuꞌu nauriha. Nu puhi igne goigonini kolho thegna.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Matiu 15:18

Nu unha te chekeni mana ka foflogna na, jifla mei unha teke ghathoni mana ka nagnafagna na. Glepo igre te fathonani mana ke ulugna God na.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Nonomho Te Keli Teke Risoi Mae Mak 14:38

Mana ne cheke eghu ka thilomare, “Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha glepo te doglo na, nu thinimu iagho na nigra fara.”

Luku 6:45

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.