Proveb 4:19 - Buka Blahi Ka Cheke Holo

¹⁹ Nu puhigna naikno te diꞌa na jateula grughu eghu, mana theome laseni kolho unha te faꞌukani mana na.

Proveb 4:19 Iomraidhean Croise

Thoutonu Eigna Mae Job 12:25

Mare snivi kate thono romno fara. Uve, mare uka tafri kolho jateula mae te koꞌu te thaviru ra eghu.”

Thoutonu Eigna Mae Job 18:18

God ginauna hata fadeleini mana ka nauthoglu te phae igne, mala tei mana ka vido aheva te romno na.

Thoutonu Eigna Mae Job 5:14

Eghuteuna neubane farihotei narane, God eni gromno na mala toku tafrudi mae igre. Aonu mare jateula te au farihotei bongiro neu ne theome tangomana te fifilo na.

Nodi Khoje Hatimare Mae Jiu 82:5

“Ghotilo thono fameomekro fara! Ghotilo theome laseni kaisei glepo! Puhimi ghotilore thofno diꞌa parilahu. Gognarona gobigna lepo te edi ghotilo kau nauthoglu igne theome doglo kolho.

Proveb 2:13

Nafnata naikno igre la snivihi, eghuteuna gognarona auhi kate romno.

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Profet Jeremaea 13:16

Ghotilo mala ghatho tahuni Lord, mae ihei te nomi God ghotilo. Uve, ghotilo fafnaknoni Lord, glahu kuru meini mana gromno na mala totokhei ghotilo ghahemire kate tei ghotilo ka thogelero. Ghotilo magnahagheni fara naphae na, nu mana ginauna kuru meini gromno na mala theome filoni ghotilo kaisei glepo.

Profet Jeremaea 23:12

Naugna igne, iara ginauna huhurudi mae igre mala leghuni mare nabrou te totoglo na. Eghuteuna iara ginauna na koko fakosidi mae igre ka vido te romno fara na mala uka mare pari. Ka narane te paradi iara mare igne, iara ginauna snakreni kaisei puhi biꞌo mala thokedi mare.” Igne chekegna Lord.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Jone 11:10

Nu mae ihei te tei bongiro na, mana tangomana te totokhei na naugna theo naphae te mala batuni mana na.”

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Ululahu Jone 2:11

Nu ihei te tirognani kheragna fofodu na, mana au kate romno, nei theome laseni aheva te tei na naugna gromno na fadofuni mana.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.