Proveb 4:17 - Buka Blahi Ka Cheke Holo

¹⁷ Puhi te diꞌa nei puhi mamagra teu igre ngala jateula te ghedi gano nei khoꞌu teu mare na.

Proveb 4:17 Iomraidhean Croise

Nodi Khoje Hatimare Mae Jiu 14:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Proveb 13:2

Nogna cheke mae te keli na, glepo te keli na jifla mei. Nu nogna cheke mae te chaichaghi na magra biꞌo na jifla mei.

Proveb 20:17

Ulu lahu na, gano teke blau mana na thono mamahe fara. Nu ke leghu na, gano igne ginauna thono diꞌa fara jateula nusu eghu ka foflo na.

Proveb 9:17

“Khoꞌu te blau iagho igne, mamahe salaꞌui! Eghuteuna gano te ghamu poru iagho igne, famane mamahe fara!”

Profet Isaia 5:18

Kokhoni ghami fara ghotilo iheire te tapla jafra fabrahu ka nakhibo te theome tughu puhimi te diꞌa re!

Profet Isaia 5:20

Kokhoni ghami fara ghotilo iheire te chekeni te glepo te diꞌare keli kolho ka gaoghathomi ghotilo re, eghuteuna glepo te keli re ke diꞌa! Tore! Gaoghathomi ghotilo gre thono diꞌa fara. Ka gaoghathomi ghotilo na grughu na ke naphae, eghuteuna naphae na ke grughu, eghuteuna glepo te mamahe na ke raha, eghuteuna glepo te raha na ke mamahe! Tore, gaoghathomi ghotilo igre thofno jafra fara!

Profet Jeremaea 9:4

Ghotilo naiknora filo fakelidi kherami themi are! Glahula roghe poru ghami mare te mala mei te goigonini ghami ghotilo na! Theo kaisei naikno te fatutuani ni kheragna thegna na, naugna kherada theda igre jateula mae Jekop eghu chaichaghi ghita koba.

Profet Maeka 3:5

Igne unha te chekeni Lord: “Ghotilo profet chaichaghi ra! Ghotilo chaghidi nogu naikno iara re, eghuteuna batudi tei ka puhi te jafra. Jame kaisei mae foli ghami ghotilo, ghotilo nhaꞌa cheke mala au fakeli ginauna. Nu jame kaisei mae theome foli ghami ghotilo, ghotilo ginauna na theome raugha naoka na mei mala magri ghami ghotilo. Eigna glepo igne, Lord na cheke eghu ka ghotilo,

Profet Maeka 6:12

Leuleghu fata na naikno te dedei fara ka kantri igne theome gnafa te thofno chaghidi tafri fabrahu naikno te kuma. Naikno te gnafa igre theome cheke kate tutuani nu mare chaghi kolho.

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.