Proveb 4:13 - Buka Blahi Ka Cheke Holo

¹³ Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.

Proveb 4:13 Iomraidhean Croise

Jenesis 32:26

Aonu mana ne cheke eghu ka mae Jekop, “Lisei ghau iara sagho, naugna u naprai gne la haghehi.” Nu mae Jekop ne cheke eghu ka mana, “Iara ginauna na theome snakre tei nigho iagho ghilei fablahi ghau iara ghu iagho!”

Proveb 10:17

Farirhiu te keli na toghoni nakarhagna keha naikno na. Nu mae te tirogna fanomho ka farirhiu na ginauna tei jafra ka puhi te keli na.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Proveb 3:22

Gaoghatho te keli nei glalase teu igre ginauna tusu ranghi nigho nakarha te keli, eghuteuna nakarhamu iagho na thofno keli fara fifilo gna na.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Proveb 8:35

Mae ihei te dei ghau iara na, mana ginauna hatini nakarha te keli na, eghuteuna Lord na kelitagna fara ka mana.

Eklesiasti 7:12

Gaoghatho te keli na tangomana te togho nigho na, nei sileni na mala jaola togho nigho iagho ka vido te ninhigrana. Nu gaoghatho te keli nei glalase teu igre tangomana te thofno toghoni nakarhamu iagho na.

Famane Khoje 3:4

Nu theome raugha kate jifla kokoni iara mae greireghi igre, iara ne megeinga ne filoni kheragu na! Uve, iara loku famaku ne theome snakre teini, ne ghilei tathalei ne tei ka sugagna idogu na, ka nogna chogho ihei teke fakarhi ghau iara na.

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.