Proveb 4:12 - Buka Blahi Ka Cheke Holo

¹² Jame te leghuni iagho nabrou igne na, ginauna na theo kaisei glepo nate fanogra nigho iagho na. Eghuteuna iagho ginauna na theome uka pari.

Proveb 4:12 Iomraidhean Croise

Fapea Samuel 22:37

Iagho eni nogu nabrou iara gna krepa nei salhu, mala theome tangomana iara te uka na.

Nodi Khoje Hatimare Mae Jiu 119:165

Iheire te magnahaghedi fara nou famane farirhiu iagho re, mare au fakeli nodi, nei theo kaisei glepo te diꞌa te thoke mei ka mare na.

Nodi Khoje Hatimare Mae Jiu 119:45

Eghuteuna iara snagla nogu fara ke ulumu iagho, naugna iara ne leghudi nou cheke iagho re.

Nodi Khoje Hatimare Mae Jiu 18:36

Iagho neke reireghi fakeli ghau iara mala theome mei hati ghau nogu naokare. Eghume mare theome tangomana te tapla soru ghau iara na.

Proveb 2:9

Fanomho mei ka iara, eghuteuna iagho ginauna laseni unha te keli nei doglo teuna, nei unha te doglo te mala eni na.

Proveb 3:23

Uve, iagho ginauna tei fakeli ka nabrou, eghuteuna thatablamu iagho na ginauna na theome pitukogra.

Proveb 4:19

Nu puhigna naikno te diꞌa na jateula grughu eghu, mana theome laseni kolho unha te faꞌukani mana na.

Proveb 6:22

Kate tei iagho na, cheke igne ginauna falalase nabrou ka iagho. Kate thuru na, cheke igne ginauna reireghi fakeli nigho. Kate dofra haghe na, cheke igne ginauna tusu ranghi nigho gaoghatho te keli.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.