Proveb 31:9 - Buka Blahi Ka Cheke Holo

⁹ Kate gnokro ka kot na, iagho mala eni puhi te fadoglo na. Eghuteuna iagho toghodi naikno te kuma nei iheire te au ka nakarha te ninhigrana.

Proveb 31:9 Iomraidhean Croise

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Thoutonu Eigna Mae Job 29:12

Mare eni igne naugna iara neke toghodi iheire naikno te kuma te tanhi mei ka iara, eghuteuna iara neke reireghi fakelidi goro sua te glehe kokoi.

Nodi Khoje Hatimare Mae Jiu 82:3

Nu iheire te kuma, nei goro sua eghu tela lehehi kmadi are ghotilo fatedi ka nafnata puhi te doglo. Eghuteuna ghotilo saghe leghudi iheire te au ka puhi te biꞌo nei iheire te theo nodi nolaghi.

Proveb 16:12

Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Proveb 29:7

Naikno te doglo na nangani fara nakarhagna naikno te kuma na, nu naikno te diꞌa na theome laseni puhi te mala toghodi nafnata naikno igre.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Profet Jeremaea 22:3

Lord ne cheke eghu: Ghotilo mala leghuni kolho puhi te keli nei doglo teuna. Ghotilo toghoni mae ihei te blau mare nogna glepore igne. Ghotilo thosei chaghidi ba falehedi naikno te mei funudi ka kantri delei, ba thau tela lehehi khetodi, ba goro sua tela lehehi idodi ba kmadi. Eghuteuna ghotilo thosei fiti falehedi naikno te au ka namono igne.

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Diutronomi 1:16

Eghuteuna ka narane tuana iara neke cheke faheta eghu ka mae mala fate igre, “Kate fate te mala fadoglidi faripholai te edi farihoteimi ghotilo re, ghotilo mala fate fadoglo neubane faripholai baludi kherami ba baludi naikno phosa te mei au balumi.

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Ululahu Samuel 19:4

Aonu ka keha narane na, mae Jonatan ne toutonu ka mae kmagna na gobigna lepo te keli teke edi mae Devet re. Mana ne cheke eghu, “Theome keli iagho king te eni kaisei glepo te diꞌa ranghini nou mae gloku Devet. Eigna mana theome eni kaisei glepo te diꞌa ranghi nigho iagho. Unha te edi manare togho nigho iagho fara.

Ululahu Samuel 20:32

Nu mae Jonatan ne cheke eghu, “Naugna unha te magnahaghei leheni mana iagho na? Unha najafra teke eni mana na?”