Proveb 31:10 - Buka Blahi Ka Cheke Holo

¹⁰ Ninhigrana fara te khaeni iagho thofno gaꞌase te mala tolaghi tagna na. Nafnata gaꞌase igne famane fara salaꞌuni thina rubi.

Proveb 31:10 Iomraidhean Croise

Thoutonu Eigna Mae Job 28:18

Te mala hata glalase na, thofno keli fara salaꞌudi thua nafnata thina te famane fara nei ninhigrana fara.

Proveb 12:4

Gaꞌase te famane puhigna na, jateula nogna nafnakno eghu khetogna na. Nu puhigna naꞌa te diꞌa na, jateula fogra biꞌo eghu ka khetogna na.

Proveb 14:1

Gaꞌase te autagna gaoghatho te keli na reireghi fakelini tharaknagna na. Nu puhigna gaꞌase te fameomekro na, goigoni ni tharakna thongana na.

Proveb 18:22

Kate deni iagho gaꞌase te mala tolaghi na, iagho deni kaisei glepo te keli. Igne kaisei fablahi Lord te falalase ka iagho na.

Proveb 19:14

Ido ghe mama tangomana te tufa suga nei sileni ka thudi na. Nu kaisei Lord kolho te tufa gaꞌase te keli na.

Proveb 20:15

Nogna cheke mae te fodu ka gaoghatho te keli na uludi fara gol, buli nei daemon.

Proveb 3:15

Gaoghatho te keli na thofno keli fara uludi buli ghe daemon, theo kaisei glepo te magnahagheni fara iagho na te tangomana te uluni na.

Proveb 31:11

Khetogna gaꞌase igne ginauna ghatho tahuni naꞌa. Eghuteuna mana ginauna au nogna kmana glepo fara.

Proveb 8:11

Glalase na thofno keli fara uludi buli ghe daemon, theo kaisei glepo te magnahagheni fara iagho na te uluni na.

Eklesiasti 7:28

Iara loku heta mala hirodi cheke tughudi re, nu iara ne theome tangomana te filodire. Kaisei mae te doglo kolho te filoni iara ka kaisei thogha naikno igre, nu iara theome filoni kaisei gaꞌase te doglo kate kmana igre.

Thoutonu Eigna Rut 3:11

Naikno gna namono igne la kafe lase nigho iaghohi te kaisei gaꞌase keli fara iagho na. Eghume, iagho thosei mhaghu eghu, eigna iara ginauna na edi unha te toredi iagho igre.