Proveb 30:4 - Buka Blahi Ka Cheke Holo

⁴ Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Proveb 30:4 Iomraidhean Croise

Jenesis 32:29

Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.

Thoutonu Eigna Mae Job 11:7

“Ba, iagho gaoghathomu na iagho tangomana te lasedi gobigna lepo te mamhara eigna God? Ba, iagho tangomana te thokeni khukrugna nogna nolaghi God mae ihei te au nolaghi fateote'o igne?

Thoutonu Eigna Mae Job 11:8

Nogna nolaghi God na haghe fara salaꞌuni maloa gno, eghuteuna ninhigrana fara ranghi nigho iagho te laseni mana na. Famane gaoghatho gna God igne mamhara fara salaꞌuni beku, nu iagho theome lasedi kolho glepo igre.

Thoutonu Eigna Mae Job 26:8

Mana pipiha khoꞌu na lamna ka khoveo biꞌo. Nu neuba khoꞌu igne tahu fara, khoꞌu igne theome tangomana te rekudi khoveo igre.

Nodi Khoje Hatimare Mae Jiu 135:7

Mana neke vuavuha khoveo mala au ka maloa kligna, nei nakhete mala mei balu saeklon, nei nuri na mala gaghafa mei ka tahati kate brana ghita na.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Nodi Khoje Hatimare Mae Jiu 24:2

Naugna mana neke hohoro nauthoglu igne farihotei nhorora, eghuteuna famamhaku pari ka khotogna nhorora.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Eksodas 15:10

Nu, kate diꞌatamu fara na, iagho neke kaisei fata phanga lao kolho, eghuteuna thongna na ne mei toku tafrudi mae Ijep ra ne kafe plulu pari jateula thina neu ka nhorora gno.

Eksodas 6:3

Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Isaia 53:8

Mare lokini mana mala hatini ka fate, aonu mare athani ne tei mala faleheni mana, nu theo kaisei naikno te nangani kolho glehegna mana na. Mare faleheni mana eidi nakhiboda tahatire.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Luku 10:22

“Mae Kmagu iara na la lisa meihi ka khamegu iara na gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire teke vahidi iara re ngala, iara ginauna cheke ranghidi eigna mae Mama, eghuteuna mare ginauna jaola laseni mae Mama.”

Jone 3:13

Theo kaisei naikno tela tei thokehi kligna na, te mala lasedi unha glepo te edi kligna re. Kaisei iara mae teke mei funu ka God na ngala te lasedi te tangomana te chekedire unha te edi kligna re.

Letas Teke Riso Tei Mae Pol Ka Khiloau Rom 10:6

Nu igne unha te chekeni ka u grioriso te blahi eigna puhi fatutuani te mala toghodi naiknore te mala au doglo ka tathagna God na, ne cheke eghu, “Thosei cheke eghu ka nagnafamu na, ‘Ihei nate haghe kligna na?’ ” Gaoghathogna na, “Mae ihei nate haghe kligna te mala hata soruni mae Kraes na?”

Diutronomi 28:58

“Nanghagna Lord nomi God ghotilo na thono haghe fara, eghuteuna ghotilo mala ghatho tahuni mana. Eghume jame te theome ghatho tahuni nei theome leghudi teu ghotilo nogna cheke mana tela riorisohi iara ka Buka gna vetula na igre,

Diutronomi 30:12

Theome au ka maloa kligna mala cheke eghu ghotilo, ‘Ihei gne nate haghe kligna te mala hata te soru vetula igne ka tahati na, mala tangomana tahati te nomhini nei leghuni teuna?’

Thakle 19:12

Tathagnare siasigla jateula khaꞌaghi eghu, eghuteuna mana au kmana khepi nafnakno ka pha'ugna na. Kaisei nangha na mare rioriso ka greregna mana na, nu theo kaisei naikno te laseni na eghu, thegna mana ngala te laseni na nangha tuana.

Jajis 13:18

Nu engel nogna Lord na ne cheke eghu, “Naugna unha si ghopa te magnahaghei laseni nanghagu iara gnea? Nanghagu iara na haghe fara te mala laseni ghopa na.”