Proveb 30:14 - Buka Blahi Ka Cheke Holo

¹⁴ Keha naiknore jateula nasava eghu magnahaghei te ghamu fahuidi naikno te kumare.

Proveb 30:14 Iomraidhean Croise

Thoutonu Eigna Mae Job 29:17

Ka narane tuana, iara lisei soru pari nodi nolaghi mae te diꞌa, eghuteuna iara fakarhidi naikno teke goigonidi mae te diꞌa ra.

Thoutonu Eigna Mae Job 41:14

Theo kaisei naikno naba te mala tothora foflogna na. Ihei te filoni khe'igna na, mana ginauna thono mhaghu nogna fara.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Nodi Khoje Hatimare Mae Jiu 124:6

Tahati tegioni Lord, naugna mana ne theome snakredi hatimare mae naoka gre ne mei goigoni ghita tahati.

Nodi Khoje Hatimare Mae Jiu 14:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Nodi Khoje Hatimare Mae Jiu 3:7

Nogu Lord, mei fakarhi ghau. Iagho nabamu te magridire nogu naoka iara igre! Tapla sorudi nodi nolaghi naikno te diꞌa igre!

Nodi Khoje Hatimare Mae Jiu 52:2

Iagho kaisei mae chaichaghi fara. Foflomu iagho na jateula kaisei bled te fnonu fara eghu goigoni ni fara keha naikno na ka narane te ghathoni teu iagho puhi te mala goigoni ni keha naikno na.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Nodi Khoje Hatimare Mae Jiu 57:5

Iara magnahaghedi naiknore te pala hagheni kligna nanghamu iagho na mala tei e salaꞌuni maloa gne. God fakakhana sagho nou nolaghi te biꞌo na ka namono te gnafa ka nauthoglu igne.

Nodi Khoje Hatimare Mae Jiu 58:6

God, paradi sagho naikno te diꞌa puhidire tuare. Lord, naikno tuare jateula lion te khuru magra ra eghu, eghume paradi sagho naikno tuare eghu.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Proveb 28:3

Mae biꞌo te fakokhoanani naikno te kuma na, mana jateula nuri biꞌo te mei goigoni nagare ra eghu.

Proveb 30:15

“Puhi khiri na au phei thugna gaꞌase. Nanghadire Tufa ghe Tufa. Aonu thilo glepo igre theome tangomana te chekeni, ‘La nabahi!’ Glepo igre: beku, gaꞌase te theo thugna, nei glose te khapra fara. Eghuteuna fafati glepo na, khaꞌaghi na theome tangomana te chekeni, ‘La nabahi!’

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Profet Isaia 10:2

Mare edi vetula majaghani igre ka naikno te kuma nei au kokhonidi teu igre mala theo kaisei nodi nolaghi mare ka unha glepo te khotodi mare re. Mare snakredi naiknore mala blau nodi glepo naikno biꞌo tela lehehi khetodi nei goro sua glehe kokoi teure.

Profet Isaia 3:14

Eghuteuna gognarona Lord funu fatedi goro mae biꞌo nei mae mala baubatu ghita tahati nogna naikno manare. Eghuteuna mana ne cheke eghu ka mare, “Ghotilo mae igre goigonidi koba nogu naikno iara igre ka puhi te fafofodu nomi sugare ka glepo teke blau ka naikno te kuma re. Puhi igne ghotilo jateula te goigonini nogu nagare grep iara na eghu.

Profet Isaia 3:15

Theome doglo te goigonidi ghotilo nogu naikno iara igre, eghuteuna puhi te eni ghotilo igne, jateula te tapla ka phaꞌudi naikno te kuma ra eghu thofno diꞌa fara.” Igne nogna cheke Lord mae ihei te au nolaghi fateote'o.

Profet Isaia 32:7

Puhigna mae te chaichaghi igne jaola diꞌa fara, eghuteuna leuleghu fata na mana ghaoghaho te mala goigonidi naikno te kuma re, neuba mare ne doglo neu kolho.

Profet Esikiel 22:6

“ ‘Nomi maedi Israel mala baubatu ghotilo gre, au nodi nolaghi mala falehe naikno kolho.

Profet Esikiel 34:3

Ghotilo jateula te ghamu garofadi sipu eghuteuna horo nomi pohe mala pipichi ka khakladire, eghuteuna ghotilo aknu falehe famane buluka te blokha mala ghamu ghemi. Nu ghotilo theome reireghi fakelidi kolho nogu naikno iara re.

Profet Emos 2:7

Mare tapla faparidi nei theome toghodi neu iheire te nigra ba iheire te kuma. Jaola mae kmagna ghe mae thugnare kafe tapla jafra ka kaisei gaꞌase kolho. Puhi igre thofno diꞌa fara, nei famamajani eghu nanghagu iara te blahi na.

Profet Emos 4:1

Ghotilo goro gaꞌasemi Samaria te dedei ra, fanomho ka cheke igre. Ghotilo gognarona blokha jateula buluka te ghamu buburu te blokha ra neu ne theome nanga nomi ni kaisei glepo. Ghotilo theome kokhonidi naikno te nigra, nei filo faparidi iheire te kuma. Ghotilo cheke eghu koba ka khetomire, “Hata mei kmana waen mala koꞌu thaviru nogu!”

Profet Emos 8:4

Ghotilo mae bisnis te goigonidi naikno te kuma nei tapla faparidi iheire te theo kaisei nodi glepo teura! Ghotilo fanomho fakeli!

Profet Habaku 3:14

Mae naokare mei jateula saeklon eghu na khi ghami ghehati. Mae naoka igre keli tadi fara kate filoni mare te au kokhoana naikno te kumare. Nu ka narane igne, iagho neke fada falehe ka jata nodi kapten mae naokara.

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Thakle 9:8

Khakladire brahu jateula khakla gaꞌase eghu, eghuteuna khe'idire biꞌo jateula khe'i lion eghu.