Proveb 30:12 - Buka Blahi Ka Cheke Holo

¹² Keha maere ne doglo eghu ka gaoghathodire, nu mare theome thofno snagla ka nakhibo.

Proveb 30:12 Iomraidhean Croise

Thoutonu Eigna Mae Job 33:9

‘Iagho neke chekeni te iagho doglo eghuteuna iagho theo nakhibomu. Eghuteuna iagho chekeni te iagho klino ka tathagna God na eghuteuna iagho theome naba te mala papara na.

Nodi Khoje Hatimare Mae Jiu 36:2

Naugna mana kaisei mae lase fahaehaghe fara ka gaoghathogna na e cheke eghu, “Iara kaisei mae keli fara. God na theome tangomana te lasedi puhi te diꞌa te edi iara re, eghuteuna mana theome tangomana nate fate ghau iara na.”

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Proveb 16:2

Jau iagho ne thofno doglo puhimu na ka tathagna God na eghu. Nu Lord ginauna laseni unha te au ka nagnafamu iagho na.

Proveb 21:2

Jau tahati ne doglo neu theda eghu ka gaoghathodare. Nu Lord lasedi unha te ghathodi tahati re.

Profet Isaia 1:16

“Ghotilo fagae ghami themi, eghuteuna thosei ke eni kaisei puhi te diꞌa.

Profet Isaia 65:5

Aonu ghotilo cheke eghu ka keha naiknore, ‘Ghotilo thosei mei namo ka ghehati, naugna ghehati gne thono blahi fara!’ Iara theome magnahagheni nafnata puhi te eni ghotilo igne. Uve, diꞌatagu iara ka ghotilo na thono brana fara jateula khaꞌaghi te theome lehe ia eghu!

Profet Jeremaea 2:35

Neuba, te chekeni ghotilo na, puhimi ghotilore doglou kolho eghu koba, uve, iara theome diꞌatagu ka ghotilo. Nu iara ginauna na para ghami ghotilo, naugna ghotilo ne cheke chaichaghi koba, eigna iara neke theome eni kaisei najafra.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Profet Hosia 12:9

Nu Lord ne cheke eghu, “Iara nomi Lord nei nomi God eghu ghotilo. Iara mae ihei teke hata fajifladi mae kuꞌemi ghotilo ra ka kantri Ijep. Neubane dedei ghotilo gognarogne, iara ginauna hata fadelei ghami ghotilo ka nomi famane suga igre mala au ghotilo ka suga tapuale. Ghotilo ginauna nake jateula teke edi mae kuꞌemi tifa ra eghu nake tei au ke lamna namono nagou.

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Taetus 3:5

Mana neke fakarhi ghita. Nu mana neke theome fakarha ghita eidi unha gloku te keli teke edi tahati re, theo! Ka nogna kokhoni ghita kolho mana teke fakarha ghita na. Mana neke tusu mei ka tahati u nogna Tharunga te Blahi na mala fagagaedi u nagnafadare, nei hatini tahati u karha majaghani na.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Jajis 17:13

Eghuteuna Maeka ne cheke eghu, “Iara gognarona laseni Lord ginauna mana fablahi ghau iara, naugna kaisei mae Livaet la nogu pris iara.”

Jajis 17:5

Maeka horo haghe kaisei vido blahi malagna nogna mumuju na, eghuteuna mana edi keha mumuju mala au ka suga, nei kaisei pohe blahi te kiloi efod. Eghuteuna mana fablahini kaisei thugna te mala pris gna nogna vido blahi na.