Proveb 30:11 - Buka Blahi Ka Cheke Holo

¹¹ “Keha maere cheke fadiꞌadi idodi kmadi re.

Proveb 30:11 Iomraidhean Croise

Eksodas 21:17

“Ihei te thofno cheke fadiꞌani idogna ba kmagna na, ghotilo aknu falehe.

Proveb 20:20

Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.

Proveb 23:22

Fanomho ka kmamu mae ihei teke fakarhi nigho na, eghuteuna thosei ghatho ihoni idomu na kate kaekave naꞌa na.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Levitikas 20:9

“Jame kaisei naikno tibrini idogna ba kmagna na, ghotilo aknu faleheni mana, eghuteuna glehegna mana na najafra gna thegna.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Ululahu Timoti 5:4

Nu jame kaisei thau te lehe khetogna na au thugna ba gragna, ulu lahu na rehati leghu fakelini puhigna khiloau te doglo na mala toghoni tharaknagna thegna na, naugna God na keli tagna fara ka nafnata puhi igne. Kate eni igne, rehati ginauna foli fapulodi idodi ba kmadi nei kavedi ba ku'edi kani teke majaghanidi teku re.

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.