Proveb 3:24 - Buka Blahi Ka Cheke Holo

²⁴ Kate thuru na iagho ginauna na thuru blakno, eghuteuna iagho ginauna na theome tangomana te mhaghuni kaisei glepo na.

Proveb 3:24 Iomraidhean Croise

Fapea Kronikols 20:30

Eghume nogna kantri King Jehosafat igne au ka pharikeli baludi kantri te gnafa te au faligohoni mana.

Thoutonu Eigna Mae Job 11:19

Uve, iagho ginauna thuru fakeli, eghuteuna theo kaisei naikno nate mei famamhaghu nigho na. Eghuteuna kmana naikno ginauna tore nigho mala toghodi.

Nodi Khoje Hatimare Mae Jiu 112:8

Mana theome tangomana te ghatho peapea nei mhaghu teuna, naugna mana laseni nogna naoka mana re ginauna theo nafudi kolho.

Nodi Khoje Hatimare Mae Jiu 127:2

Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Nodi Khoje Hatimare Mae Jiu 3:5

Lord, iara na thuru soru mala thuru blakno nogu, eghuteuna hamerane na iara neke dofra haghe. Theo kaisei naikno te eni kaisei puhi te diꞌa ranghi ghau iara na, naugna iagho ne reireghi ghau neu iara.

Nodi Khoje Hatimare Mae Jiu 3:6

Iara theome tangomana te mhaghudi nabotho thogha naoka te mei kegra falithui ghau igre.

Nodi Khoje Hatimare Mae Jiu 4:8

Lord, kaisei iagho ngala te reireghi ghau iara te mala au fakeli iara na. Iara gne theome tangomana te mhaghuni kaisei glepo na. Kate thuru na, iara thuru blakno.

Nodi Khoje Hatimare Mae Jiu 91:5

Ka bongi na, iagho ginauna theome mhaghu naitu, eghuteuna ka narane na, iagho ginauna theome mhaghudi naikno te diꞌa puhidire nate mei te falehe nigho na.

Proveb 1:33

Nu iheire te fanomho ka iara re, mare ginauna au fakeli nodi fabrahu. Uve, mare ginauna theome mhaghuni kaisei glepo.”

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Proveb 6:22

Kate tei iagho na, cheke igne ginauna falalase nabrou ka iagho. Kate thuru na, cheke igne ginauna reireghi fakeli nigho. Kate dofra haghe na, cheke igne ginauna tusu ranghi nigho gaoghatho te keli.

Eklesiasti 5:12

Mae gloku te loku heta fabrahu na, glahu mana ghamu katha ikoi kolho, ba mana ghamu ghilei boho fara, nu mana tangomana te thuru fakeli bongiro na. Nu mae te dedei na theome thuru fakeli bongiro na, naugna mana ne nangadi fara nogna gobigna lepore.

Profet Isaia 54:14

Puhigu iara te doglo na ginauna farheta ghami ghotilo. Eghuteuna theo kaisei naikno nate para ghami nei famamhaghu ghami teu ghotilo na.

Profet Jeremaea 31:26

Aonu, ka narane igne, iara dofra haghe ne filo tafri, eghuteuna iara ne keli nagnafagu fara eigna unha te eni Lord kate thuru teu iara igne.

Profet Esikiel 34:15

Iara ginauna reireghidi nogu sipu re, eghuteuna iara ginauna liseidi ka vido aheva reꞌe tangomana te thuru soru ka vido te muana. Igne nogna cheke Lord God.

Profet Esikiel 34:25

“ ‘Iara ginauna eni baludi kaisei nhaꞌa cheke mala au mare kau pharikeli. Iara ginauna ngolho teidi gobigna lepo te diꞌa fateote'o te au ka namono nagou nei mata teu are, eghuteuna nogu sipu iara igre ginauna theome mhaghu na thuru tafri nodi kolho.

Profet Esikiel 34:27

Gaju re ginauna ure kmana sisi, eghuteuna nagare na ginauna au kmana gano tagna. Eghuteuna mare te gnafa na ginauna tangomana te au fakeli ka nodi glose na. Iara ginauna kusu chen teke harudi kate loku mare jateula naikno sneka teku igre mala snagla ke tei nodi mare. Naudi glepo igre, mare ginauna lase fakeli ghau iara Lord.

Levitikas 26:6

“Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.

Mae Khuru 12:6

Ka bongi ame fateni nga mae Pita ka keha narane na teuna, mae Pita ne thuru neu farihoteidi phei mae soldiare. Mare rerini mana ka phei chen, eghuteuna keha mae greireghire kegra neu ka grengathagna suga sosolo na.