Proveb 3:23 - Buka Blahi Ka Cheke Holo

²³ Uve, iagho ginauna tei fakeli ka nabrou, eghuteuna thatablamu iagho na ginauna na theome pitukogra.

Proveb 3:23 Iomraidhean Croise

Nodi Khoje Hatimare Mae Jiu 119:165

Iheire te magnahaghedi fara nou famane farirhiu iagho re, mare au fakeli nodi, nei theo kaisei glepo te diꞌa te thoke mei ka mare na.

Nodi Khoje Hatimare Mae Jiu 121:3

Uve, Lord na theome thuru nei ghatho iho ghau eghu iara. Leuleghu fata na mana na reireghi fakeli ghau iara.

Nodi Khoje Hatimare Mae Jiu 121:8

Lord ginauna reireghi ghita kate jiflada na ba kate ruma meida na, funu gognaro gne tifa e tifa.

Nodi Khoje Hatimare Mae Jiu 37:31

Vetula nogna God na au ka nagnafagna mana na, eghuteuna mana tangomana te leghuni God nei theome tangomana te ghathoni iho u vetula igne.

Proveb 10:9

Mae te doglo na ginauna au fakeli. Nu mae te eni puhi te diꞌa na theome tangomana te pophoru puhigna na.

Proveb 2:8

Mana reireghidi iheire te leghuni puhi te doglo na, eghuteuna baubatudi iheire te ghatho tahuni mana re.

Proveb 4:12

Jame te leghuni iagho nabrou igne na, ginauna na theo kaisei glepo nate fanogra nigho iagho na. Eghuteuna iagho ginauna na theome uka pari.

Proveb 6:22

Kate tei iagho na, cheke igne ginauna falalase nabrou ka iagho. Kate thuru na, cheke igne ginauna reireghi fakeli nigho. Kate dofra haghe na, cheke igne ginauna tusu ranghi nigho gaoghatho te keli.

Profet Isaia 5:27

Mae soldia gna armi igne thofno rheta fara. Theo kaisei ka mare te babaꞌo na, ba te uka pari kate chari na, eghuteuna theo kaisei ka mare te thuru na. Theo kaisei nodi nhugha mare te blogho na, eghuteuna theo kaisei gnarho gna nodi sadol mare te khusu na.

Profet Isaia 63:13

Mana neke batudi nogna naiknore neke kasa mei ke pari thongna ka glose te moja na.” Eghuteuna naiknore chari faheta neke theome uka, jateula hose te chari ka namono nagou ra neku.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”