Proveb 3:22 - Buka Blahi Ka Cheke Holo

²² Gaoghatho te keli nei glalase teu igre ginauna tusu ranghi nigho nakarha te keli, eghuteuna nakarhamu iagho na thofno keli fara fifilo gna na.

Proveb 3:22 Iomraidhean Croise

Proveb 1:9

Nodi farirhiu repa igre ginauna togho nigho iagho mala naikno keli, jateula te jukla famane sisi ka phaꞌumi nei babaꞌo famane khekeve te siasigla ka graramu ra eghu.

Proveb 16:22

Gaoghatho te keli na jateula glokha khoꞌu te tusu lao karha ka iheire te koꞌu tagna ra eghu. Nu gaoghatho te fameomekro na, goigonidi naiknore.

Proveb 19:8

Te magnahaghei gaoghatho te keli iagho na, igne glepo te keli mala eni iagho na. Iagho magnahaghei hata glalase, iagho na thofno kelitamu fara.

Proveb 21:21

Mae te leghuni puhi namha na nei puhi fofodu na teuna, mana ginauna hatini nakarha te keli na nei nafnakno biꞌo na eghu.

Proveb 4:13

Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.

Proveb 4:22

Jame te hata iagho nogu cheke iara igne na, cheke igne ginauna tusu ranghi nigho u thofno karha na.

Proveb 8:35

Mae ihei te dei ghau iara na, mana ginauna hatini nakarha te keli na, eghuteuna Lord na kelitagna fara ka mana.

Profet Isaia 38:16

Lord, naugna iagho te tajini fabrahu nou nhaꞌa cheke na, ghehati naikno gre au fabrahu ka nakarha igne. Iagho la hata fadeleihi fogragu iara na, eghuteuna iagho snakre ghau iara mala karhau.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”