Proveb 3:17 - Buka Blahi Ka Cheke Holo

¹⁷ Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Proveb 3:17 Iomraidhean Croise

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Nodi Khoje Hatimare Mae Jiu 119:14

Kate leghudi iara nou farirhiu iagho re, nogu glealeꞌa iara thono biꞌo fara salaꞌuni, jateula kaisei mae te dedei fara te au nogna glepo te kmana ra eghu.

Nodi Khoje Hatimare Mae Jiu 119:165

Iheire te magnahaghedi fara nou famane farirhiu iagho re, mare au fakeli nodi, nei theo kaisei glepo te diꞌa te thoke mei ka mare na.

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Nodi Khoje Hatimare Mae Jiu 119:47

Iara keli tagu fara leghudi nou cheke iagho igre, naugna igne unha te thono magnahagheni fara te mala eni iara na.

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Proveb 2:10

Uve, iagho ginauna na lalase, eghuteuna iagho ginauna gleꞌani nou glalase tuana.

Proveb 22:18

Te keli na iagho ghathodi fabrahu glepo igre ka nagnafamu na, eghuteuna iagho iju polodi eghu.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.