Proveb 3:15 - Buka Blahi Ka Cheke Holo

¹⁵ Gaoghatho te keli na thofno keli fara uludi buli ghe daemon, theo kaisei glepo te magnahagheni fara iagho na te tangomana te uluni na.

Proveb 3:15 Iomraidhean Croise

Thoutonu Eigna Mae Job 28:18

Te mala hata glalase na, thofno keli fara salaꞌudi thua nafnata thina te famane fara nei ninhigrana fara.

Nodi Khoje Hatimare Mae Jiu 63:3

Nou namha iagho na thofno biꞌo fara salaꞌuni nauthoglu igne, tutuani fara, biꞌo salaꞌudi thua nafnata fateo te au ka nakarhagu iara gne. Naugna igne iara magnahaghei te cheke fakeli nigho.

Proveb 20:15

Nogna cheke mae te fodu ka gaoghatho te keli na uludi fara gol, buli nei daemon.

Proveb 31:10

Ninhigrana fara te khaeni iagho thofno gaꞌase te mala tolaghi tagna na. Nafnata gaꞌase igne famane fara salaꞌuni thina rubi.

Proveb 8:10

Ghotilo mala vahini glalase te keli na, naugna nogu cheke iara na keli fara uludi silva ghe gol.

Proveb 8:11

Glalase na thofno keli fara uludi buli ghe daemon, theo kaisei glepo te magnahagheni fara iagho na te uluni na.

Eklesiasti 7:11

Gaoghatho te keli nei sileni eghu teke hata kasa iagho ka mae kmamu na tangomana te togho ka nakarhamu na.

Letas Teke Riso Tei Mae Pol Ka Khiloau Rom 8:18

Iara thofno laseni igne, kate ghatho laoni tahati u nakarha te ulu tulao nate tusu mei God ka tahati igne, glepo te para ghita gognaro igre theo nafudi kolho.