Proveb 29:11 - Buka Blahi Ka Cheke Holo

¹¹ Mae te fameomekro na fakakhana fara diꞌatagna na, nu mae te autagna gaoghatho te keli na saghe leghuni diꞌatagna na.

Proveb 29:11 Iomraidhean Croise

Proveb 12:16

Mae te fameomekro na ghosei diꞌatagna. Nu mae te doglo na, theome nanga nogna ka cheke te diꞌa na.

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Proveb 14:33

Gaoghatho te keli na fodu ka nagnafagna mae te lalase na. Nu gaoghatho te keli igne theome au ka nagnafagna mae te fameomekro na.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Jajis 16:17

Aonu leghu lahu na mana ne ghilei toutonu ka naꞌa unha teke poruni mana na. Mae Samson ne cheke eghu, “Tifa na, funu ka narane teke karha iara na, mare neke theome kuchi khaklagu iara na naugna mare neke fablahi ghau iara ka God mala kaisei Nasaraet. Jame te kuchi mare khaklagu iara na gognarogne, iara ginauna na theome nheta eghuteuna iara ginauna glaꞌe kolho jateula keha mae are eghu.”