Proveb 29:10 - Buka Blahi Ka Cheke Holo

¹⁰ Mae te aknu poru na theome magnahaghedi naikno te keli re, eghuteuna mana fariuriu mala falehedi naikno te doglo re.

Proveb 29:10 Iomraidhean Croise

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Fapea Kronikols 18:7

Aonu King Ehab ne cheke eghu, “Uve, kaisei mae au agne, nanghagna na Maekaea, thugna mae Imla. Tapa tangomana te ghusna ni mana mala nomhini gaoghathogna Lord. Nu iara tiroguni mana naugna mana theome chekeni kaisei glepo te keli ka iara. Leuleghu fata na unha te chekedi mana re diꞌa.” Nu King Jehosafat ne cheke eghu, “Iagho thosei cheke eghu! Tahati magnahaghei nomhini unha te chekeni mana na.”

Nodi Khoje Hatimare Mae Jiu 59:2

Mae igre mae diꞌa nei mae mala falehe naikno eghu. Hata fajifla ghau ka khamedi mae igre eigna mare magnahaghei te falehe ghau iara.

Proveb 13:19

Thofno keli fara te hata unha teke ghathoni na. Nu mae te fameomekro na tirogna koko puhi te diꞌa na.

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Profet Jeremaea 38:13

eghuteuna mare neke korho fajiflani mana kosi. Mare athani mana ne tei lilisei ka vido aheva te au hatimare mae soldia te reireghi gna nogna suga mae king na.

Profet Jeremaea 38:7

Nu mae Ebed-Melek kaisei maegna ka kantri Kus, mana kaisei nogna mae nafnakno mae king. Mae igne nomhini te liliseini mare mae Jeremaea lamna khora kho'u igne ne tei filoni king. Ka narane igne, king fanomho fate ka grengatha gna namono te kiloi mare, Nogna Grengatha Mae Benjamin.

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Jone 5:34

Iara theome lelheghu ka naiknogna nauthoglu gne te mala chekedi unha te edi iara re tutuani fara teuna. Nu iara chekeni ka ghotilo igne mala fatutuani ghotilo mala athani u karha fei tifa na.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Letas Teke Riso Tei Mae Pol Ka Khiloau Rom 10:1

Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.