Proveb 28:8 - Buka Blahi Ka Cheke Holo

⁸ Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Proveb 28:8 Iomraidhean Croise

Fapea Samuel 12:6

Glepo te eni mana igne thono diꞌa fara, naugna mana ne theome kokhoni ni mae te kuma igne. Mana ginauna tusu lao fati sipu ka mae te kuma igne ke tughugna nogna sipu teke hata mana tuana.”

Nodi Khoje Hatimare Mae Jiu 72:13

Mana kokhonidi iheire te kuma nei iheire te theome nheta, nei fakarhidi iheire te theo kaisei nodi glepo.

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.

Profet Esikiel 18:17

Mana theome tangomana te goigonidi iheire te kuma. Mana theome tusu lao sileni ka keha mae na mala hata sileni biꞌo. Mae igne leghudi nogu cheke iara re, eghuteuna mana tajidi koba nogu vetula iara re. “Mae igne ginauna theome lehe ka nakhibogna mae kmagna na, nu mana ginauna karha kolho.

Profet Esikiel 18:8

Mana theome tangomana te snakreni te tufa sileni ka keha mae na te mala hata intres biꞌo mana tagna na. Leuleghu fata na mana theome magnahaghei te eni kaisei glepo te diꞌa na. Mana tangomana te fate ka puhi te doglo na.

Levitikas 25:36

Eghuteuna ghotilo mala thosei chekeni mae te kuma igne mala foli intres ka kaisei kaoni teke tusu lao ghotilo ka mana. Ghotilo mala ghatho tahuni Lord, eghuteuna ghotilo mala keli ranghidi naikno te kuma te au balumi ghotilo are.