Proveb 28:4 - Buka Blahi Ka Cheke Holo

⁴ Iheire te huhughuni vetula na cheke fahaehagheni mae te diꞌa na, nu iheire te kelitadi ka vetula na, mare tirodini mae te diꞌa na.

Proveb 28:4 Iomraidhean Croise

Ululahu Kings 18:18

Nu mae Elija ne cheke eghu ka mana, “Theo! Iara theome mae mala ei puhi biꞌo agne Israel. Iagho! Iagho baludi tharaknagna mae kmamu ra! Naugna ghotilo ne tiromi leghuni chekegna Lord na, eghuteuna ghotilo tarai ka mumuju god Baal.

Ululahu Kings 18:21

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.

Nehemaea 13:15

Ka narane tuare iara filodi naiknodi Juda igre loku ka narane Sabat. Keha naiknore hata grep, eghuteuna tapla ke klignadi mala ei waen. Eghuteuna kehare mala hata mei gano nei waen, nei grep, nei fig, nei keha soasopai glepoi eghu, eghuteuna lilisei ke kligna dongki mala hata tei Jerusalem mala foli. Naugna igne, iara ne cheke faheta eghu ka mare, “Ghotilo thosei foli glepo tuare ka narane Sabat!”

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Nodi Khoje Hatimare Mae Jiu 49:18

Kate karha teuna mana glealeꞌa koba, eghuteuna naiknore ghatho tahuni mana, naugna mana haghe fara fei bisnis.

Profet Jeremaea 5:30

“Glepo te thono diꞌa fara pari lahu la thoke meihi ka kantri igne.

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Mae Khuru 12:22

Naiknore ne eha eghu fabiꞌo, “Igne chekegna kaisei god, theome kaisei naikno kolho!”

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Mae Khuru 19:9

Keha mae Jiure ne patugama fara ne tirodi fatutuanidi nogna cheke mae Pol re. Eghuteuna mare ne cheke fadiꞌani u puhi te mala leghuni mae Jisas. Aonu mae Pol ne jifla ka suga tharai na baludi naikno khiloau re ne tei ka nogna suga sikolu mae Tiranas. Jare mae Pol ne cheke ranghidi naikno khiloau re leuleghu narane nabagna phei finogha. Eghuteuna mae Jiu nei Griki teu te au ka Provins Esia na igre neke kafe nomhini chekegna Lord na ka gloku te edi mae Pol igre.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Ululahu Jone 4:5

Mae igre nogna nauthoglu igne. Naugna igne mare cheke eigna puhigna nauthoglu, eghuteuna naiknogna nauthoglu gne fanomho ka mare.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.