Proveb 28:13 - Buka Blahi Ka Cheke Holo

¹³ Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Proveb 28:13 Iomraidhean Croise

Jenesis 4:9

Ke leghu gna igne Lord ne cheke eghu ka mana, “Kein, ahevau mae Abel mae tahimu iagho ia?” Mae Kein ne cheke eghu, “Iara theome laseni. Theome nogu gloku iara te mala reireghini mae tahigu na!”

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Fapea Samuel 14:32

Mae Absalom ne cheke eghu ka mana, “Iara phei fata faꞌari cheke ka iagho, nu iagho tirou mei filo ghau iara. Iara magnahaghei nigho iagho te tei cheke ka king nogu cheke iara igre, ‘Naugna unha sagho te hata fajifla ghau iara Gesu teke pulo mei iara agne gnea? Jame te keli na iara au teku kolho jare.’ Iara magnahaghei nigho iagho te togho ghau iara mala tei filoni mana. Jame te tapla jafra iara ka nakhibo na, mana tangomana te falehe ghau iara.”

Fapea Kings 20:15

Mae profet Isaia ne cheke eghu, “Unha te filoni mare ke lamnagna nou suga iagho na?” Mae Hesekaea ne cheke eghu, “Mare filodihi gobigna lepo fateote'o te au ke lamnagna nogu suga iara na, theo kaisei glepo te poruni iara ka mare na.”

Fapea Kronikols 6:26

“Jame te theome nakhete naugna nou naikno iagho gre ne tapla jafra ka nakhibo ranghi nigho iagho. Nu jame te tarai mei mare ka Sugablahi igne, eghuteuna fafnaknoni nanghamu iagho na, eghuteuna ke figri mare gaoghathodire me koko nakhibo igre naugna te paradi iaghore teuna.

Esra 10:11

Gognarona, ghotilo mala cheke thakledi nakhibomire ka Lord, nodi God kuꞌeda tifara. Eghuteuna ghotilo mala leghudi puhi te magnahaghedi mana re. Eghume ghotilo au fadelei ka naikno bongihehe te au ka noda glose tahati gne eghuteuna ghotilo koko gaꞌase bongihehe te tolaghi ghotilo are.”

Esra 10:2

Aonu mae Sekanaea, thugna mae Jehiel vikegna mae Elam igne ne cheke eghu ka mae Esra, “Tutuani fara, ghehati la huhughuni chekegna God na kate tolaghi ghehati ka gaꞌase bongihehe igre. Nu neuba ngau, tahati au noda grouronu eigna God ginauna theome goigoni ghita tahati naiknoda Israel.

Nehemaea 9:2

Iheire teke karha mei ka vikegna Israel kolho te kegra ka vido igne, eghuteuna theo kaisei mae ka keha vikere te au baludi mare na. Mare cheke thakledi nakhibodi re baludi puhidi kuꞌedi te diꞌa tifa ra.

Thoutonu Eigna Mae Job 31:33

Kmana naikno fariuriu pophoru nakhibodi re, nu iara theome tangomana te pophoru nakhibogu re.

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Thoutonu Eigna Mae Job 34:31

“Job, iagho cheke thakledi nakhibomu re ka God. Eghuteuna iagho nhaꞌa cheke mala thosei ke tapla jafra ka nakhibo ginauna.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Proveb 17:9

Jame te hata fadelei iagho nakhibogna mae kheragna fofodu na, ghopa ginauna au fakeli. Nu jame teke tonuni iagho nakhibo na, iagho roꞌeni fofodu na.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Profet Jeremaea 2:35

Neuba, te chekeni ghotilo na, puhimi ghotilore doglou kolho eghu koba, uve, iara theome diꞌatagu ka ghotilo. Nu iara ginauna na para ghami ghotilo, naugna ghotilo ne cheke chaichaghi koba, eigna iara neke theome eni kaisei najafra.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Levitikas 5:5

Jame kaisei mae nabagna te papara eigna kaisei nafnata puhi te diꞌa ka teke edi mana igre, mana cheke fajiflani nakhibo teke eni mana na.

Profet Jona 3:10

God filoni te tughu nakarha naiknore. Aonu mana kokhonidi naiknore ne theome paradi leghuni unha teke chekeni mana tifa na.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Jajis 10:15

Nu mare ne cheke eghu ka Lord, “Ghehati edi kmana glepo te diꞌa ranghi nigho iagho. Te keli na iagho eni ka ghehati unha te thofno doglo fara ka gaoghathomu iagho na. Nu ghehati magnahaghei nigho iagho te fakarhi ghami gognarona.”

Ululahu Samuel 15:13

Aonu mae Samuel tei ne filoni King Sol ka vido igne. Eghuteuna King Sol ne cheke eghu ka mana, “Iara toreni Lord mala fablahi nigho! Iara la edihi gobigna lepo teke chekedi Lord ra.”

Ululahu Samuel 15:24

Aonu, King Sol ne cheke eghu ka mae Profet Samuel, “Tutuani! Iara la jafrahi la theome faꞌuveni chekegna Lord na! Eghuteuna iara jaola neke theome leghudi nou cheke iagho ra neku. Iara neke mhaghudi nogu mae soldia gre neke leghudi unha te magnahaghedi mare re.

Ululahu Samuel 15:30

Aonu mae Sol ne cheke eghu, “Uve, iara la edihi glepo te diꞌa re, nu iagho ghatho tahu ghau iara ka tathajidi goro mae biꞌo te gnafa gre, nei ka tathadi naikno gre eghu. Mei sagho mala pulo tapa pogho soruni nou Lord God iagho na.”