Proveb 27:8 - Buka Blahi Ka Cheke Holo

⁸ Ihei te tei kokoni thofno namonogna na, mana jateula nanghaji te tei kokoni nogna gnoku naia eghu.

Proveb 27:8 Iomraidhean Croise

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 4:16

Aonu mae Kein ne jifla kokoni tathagna Lord na ne tei au ke maghati Eden ka nohi Nod. Gaoghathogna Nod na “Tei tafri.”

Ululahu Kings 11:22

Aonu King ne cheke eghu ka mana, “Naugna unha sagho teke magnahaghei pulo ka nou kantri na gnea? Ba iagho kmoꞌe ka glepo kate au balugu iara na sia?” Mae Hadad ne cheke eghu, “Iara theome kmoꞌe ka kaisei glepo kate au teu agne na, nu iara magnahaghei nigho iagho te snakre tei ghau iara.”

Ululahu Kings 19:9

Ka vido igne mana tei ne ruma ka kaisei gluma thina ne au neu jare. Aonu Lord ne ghusna eghu ka mana, “Elija! Iagho mei eni unha agne?”

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.

Proveb 26:2

Thibri te mala goigonini mae te doglo te theome eni kaisei puhi na, ginauna jateula nanghaji te flalo tafri kligna ra eghu kolho.

Proveb 27:7

Kate ghamu te boho na, iagho ginauna tirouni unha te mamahe na. Kate rofo fara na, neubane gano te raha fara, iagho ginauna ghamu ngala gano tuana.

Profet Isaia 16:2

Nu naikno ka namono Moab igre ofo neu ka geri khoꞌu Anon te khaba fara ka nodi namono re. Mare tei nei mei neu kolho jateula sua nanghaji te flalo tafri kate jifla kokoni nodi gnoku na te funu flalo tafri baludi idodi nei kmadi teura neu.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Ululahu Korin 7:20

Ghotilo te gnafa na mala au fabrahu ka nafnata nakarha jateula kani teke kilo ghami God igne eghu.

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.

Ululahu Samuel 22:5

Nu profet Gad ne mei filoni mana ne cheke eghu, “Iagho thosei au ka vido igne. Iagho ke pulo ka nohi Juda.” Aonu mae Devet jifla jare ne tei au ka nathuꞌa Heret.