Proveb 27:5 - Buka Blahi Ka Cheke Holo

⁵ Puhi te cheke thakleni iagho nakhibo gna naikno na, thofno keli fara salaꞌuni te namhani iagho na, nu theome chekeni ne namhani mana teuna.

Proveb 27:5 Iomraidhean Croise

Proveb 28:23

Jame te fadoglini iagho puhigna keha mae na, mana ginauna kelitagna fara ka iagho. Puhi igne thofno keli fara uluni puhi te cheke famaemahe na.

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Galesia 2:14

Nu kate filodi iara mare te theome tei doglo fei thofno cheke te tutuani gna u Nonomho te Keli na, iara cheke eghu ka mae Pita ke uludi mare gnafa, “Iagho kaisei mae Jiu, nu iagho theome au jateula mae Jiu eghu kolho. Theo. Iagho au jateula mae te theome Jiu. Eghume iagho theo kaisei nou nolaghi te mala huhurudi naikno te theome Jiu igre te mala leghudi nodi kastom mae Jiure.”

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.