Proveb 27:4 - Buka Blahi Ka Cheke Holo

⁴ Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Proveb 27:4 Iomraidhean Croise

Jenesis 26:14

Mana au nogna kmana sipu, buluka nei naikno gloku eghu, aonu maedi Filistia gre ne goghotuni fara mana.

Jenesis 37:11

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Jenesis 38:9

Nu mae Onan ne theome magnahagheni u vetula igne, naugna mana magnahaghei te au thugna thegna. Nu kate thuru balugna gaꞌase igne na, mana ne totofa kolho kholognare ka glose na, mala theome tangomana te au sua malagna mae tighagna na.

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Proveb 14:30

Ihei te blagna nagnafagna na, mana karha thinigna. Ihei te goghotu ka nagnafagna na, mana ginauna fogra.

Proveb 27:3

Thina ghe nusu re tahu fara, puhi biꞌo te eni mae te fameomekro na thono tahu fara salaꞌui.

Proveb 6:34

Jame kaisei mae thuru balugna khetogna keha mae na, mae khetogna gna na ginauna diꞌatagna fara. Mala tughugna najafra igne, mae khetogna na ginauna theome kokhonini mae igne.

Famane Khoje 8:6

Iagho those ghathodi keha gaꞌasei. Iagho lisei ghau iara thegu kolho lamna ka nagnafamu na. Jateula te theome tangomana kaisei naikno te fanogrini glehe na, theome kaisei naikno tangomana te fanogrini noda namha tapa igne. Puhi te fari magnahaghei fara tapa igne, theome tangomana te gnafa na, jateula naikno na theome tangomana te rikhani Beku na. Uve, noda namha tapa na jateula kaisei khaꞌaghi biꞌo te dudulu fabiꞌo fara ra eghu.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Mae Khuru 5:17

Aonu mae pris biꞌo na nei mae kheragna te gnafare, iheire te au ka kaisei tothoghei mae te kilodi Sadiusi, ne goghotudi fara mae khurure. Naugna kmana naikno magnahaghedi fara mare.

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Letas Teke Riso Tei Mae Pol Ka Khiloau Rom 1:29

Mare fodu ka puhi te diꞌa, eghuteuna mare magnahaghei te hata glepo maladi thedi kolho, eghuteuna mare thono lalamadi fara naiknore. Mare fodu ka goghotu, falehe naikno, magra, saosagro, ghaoghatho fadiꞌani koba ihei, nei cheke pouporuni ihei.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.