Proveb 27:23 - Buka Blahi Ka Cheke Holo

²³ Iagho thofno reireghidi nou sipu nei buluka teure,

Proveb 27:23 Iomraidhean Croise

Jenesis 33:13

Nu mae Jekop ne cheke eghu ka mana, “Nogu funei, iagho lasedi goro sua igre theome nheta. Eghuteuna iara magnahaghei te famane taroridi nogu tothoghei sipu nei suadi te chuꞌu teu gre eghu. Jame te fanananga dire ginauna na tei lehe.

Fapea Kronikols 26:10

Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.

Eksodas 7:23

Mae king neke pulo ka suga na ne tirogna nangadi unha glepo teke edi mae Moses ghe mae Eron re.

Proveb 24:27

Ulu lahu na iagho fadoglini nou glose na mala tobi nagare, eghuteuna ke leghu na iagho horo suga.

Proveb 24:32

Iara filoni ne ghaoghatho eigna nagare igre, eghuteuna iara ne atha nogu gaoghatho te keli tagna:

Profet Jeremaea 31:10

“Ghotilo te gnafa ka kantri te gnafa ra, fanomho mei ka nogu cheke iara Lord! Ghotilo tei toutonuni nogu cheke iara igne ka naikno te au khaba ka ghotilo ra! Ghotilo tei cheke eghu, ‘Lord neke brue fajifladi naiknodi Israel neke tei tafri, nu mana ginauna nake atha fapulodi. Mana ginauna hirodi, jateula mae greireghi sipu te hirodi nogna sipu ra eghu.’

Profet Esikiel 34:12

Eghuteuna iara ginauna na jateula mae te reireghi fakelidi nogu sipura eghu nake hata fodu meidi. Iara ginauna tei hirodi teke rikha ka narane te ninhigrana nei puhi biꞌo teku teke tei au tafri ka keha kantri delei ra. Uve, iara ginauna nake hata fapulo meidi.

Profet Esikiel 34:31

Ghotilo nogu naikno iara. Ghotilo jateula nogu sipu eghu iara, eigna iara reireghi ghami nei faghemi gano ghotilo leuleghu narane. Eghuteuna iara nomi God ghotilo. Igne nogu cheke iara Lord God!’ ”

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Diutronomi 32:46

mana ne cheke eghu, “Ghotilo ghatho fakelidi cheke te gnafa te farirhiu ghami iara gognarogne. Ghotilo mala farirhiudi thumire mala leghudi mare nogna vetula Lord ka buka na igre.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Ululahu Samuel 17:28

Aonu mae Eliab, mae ke biꞌogna mae Devet igne nomhini te cheke teu mana baludi mare igne ne diꞌatagna fara ne cheke eghu, “Ei, unha te mei eni iagho agne na? Mae ihei nate reireghidi nou phei thilo sipu te au teu ka namono nagoura? Iara lase nigho iagho kaisei mae diꞌa! Iagho mei agne mala filo nou magra kolho!”