Proveb 27:17 - Buka Blahi Ka Cheke Holo

¹⁷ Te magnahaghei fnonu nou naflahi na iagho ginauna ghorhu ka phaele. Eghume jateula tuana eghu, mae te magnahaghei au fakeli keha naiknore, mana jateula te phaele naflahi na eghu ka nogna farirhiu na.

Proveb 27:17 Iomraidhean Croise

Proveb 27:16

Te mala fakhusuni igne na, jateula iagho te fakhusuni nuri ia eghu, ba iagho louloku oel ka khamemu ra eghu.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Jone 11:29

Kate nomhini Meri igne, naꞌa ghosei ne kegra haghe ne tei ka mae Jisas ka nabrou na.

Ululahu Tesalonika 3:3

Ghehati kuru arini mana mala theo kaisei ka ghotilo te figri fapulo ka nogna fatutuani na eidi naꞌau papara gognaro gre. Eigna ghotilo themi lasedi nafnata naꞌau papara igre u gaoghathogna God malada tahati.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Fapea Timoti 2:3

Eghuteuna iagho tarabana mala au papara balugu iara jateula kaisei nogna soldia keli mae Jisas Kraes.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Josua 1:18

Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”

Josua 2:24

Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”

Ululahu Samuel 23:16

Nu mae Jonatan ne tei ka mae Devet Hores. Mana magnahaghei te toghoni mae Devet mala rheta mana nogna fatutuani na ka God.