Proveb 26:4 - Buka Blahi Ka Cheke Holo

⁴ Jame te cheke tughu fameomekroni iagho nogna cheke mae te fameomekro na, filogna na iagho jaola fameomekro.

Proveb 26:4 Iomraidhean Croise

Ululahu Kings 12:14

ne leghuni nodi cheke goro mae majaghani re. Mana ne cheke eghu, “Kmagu iara na neke huhuru ghami ghotilo neke loku heta, nu iara ginauna nhaꞌa ari gloku biꞌo fara ke klignami ghotilo. Mana neke para ghami ghotilo, nu iara ginauna na thono para ghami ghotilo salaꞌui fara.”

Ululahu Kings 12:16

Nu kate filoni maedi Israel igre te theome fanomho king ka mare na, keha maere ne eha eghu fabiꞌo, “Mae Devet na theome noda tahati! Thugna mae Jesi igne theome noda tahati! Tahati te gnafa naiknoda Israel ra, tahati ke pulo ka namonoda ra! Lisa laodi mare mala reireghidi thedi!” Aonu maedi Israel igre neke kafe pulo ka namonodire.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 23:9

Thosei cheke ka mae te theome autagna gaoghatho te keli na, naugna mana ginauna theome ghatho tahuni nou famane cheke iagho na.

Proveb 26:5

Nu iagho tusu lao cheke tughu te nabagna mae te fameomekro na, mala theome ghathoni mana ne au ka mana gaoghatho te keli na teuna.

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.

Profet Isaia 36:21

Nu mae te au ke kligna gringni igre ne au kmu ne theome ghagri kaisei cheke, naugna King Hesekaea theome snakredi mare te cheke tughu ka mana na.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Letas Teke Rioriso Mae Jud 1:9

Tulao mae Maekol mae funeidi engel gre neke theome eni igne. Mana neke fapholai balugna mae Satan eigna mae ihei ka phiamare nate hata thinigna mae Moses. Nu mae Maekol neke theome chekeni kaisei cheke te diꞌa ranghini mae Satan. Mana neke khogla cheke eghu kolho, “God ginauna para nigho iagho.”