Proveb 26:25 - Buka Blahi Ka Cheke Holo

²⁵ Neuba nogna cheke mana re ne famane fanomhodi re, iagho thosei fatutuanidi. Thiꞌagna mana na fodu ka gaoghatho te diꞌa.

Proveb 26:25 Iomraidhean Croise

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Nodi Khoje Hatimare Mae Jiu 28:3

Kate fatedi iagho naikno te diꞌa puhidire, eidi glepo te diꞌa teke edi mare re, iagho thosei kaha fodu ghau iara baludi mare. Mare lase cheke famaemahe fara ka keha naiknore, nu gaoghatho te diꞌa na fodu ka nagnafadire.

Proveb 23:7

Jame te ghamu iagho balugna na, mana ginauna na cheke eghu ka iagho, “Ghamu nei koꞌu eghu leghuni unha te magnahagheni iagho na.” Nu nogna cheke mana igre theome tutuani. Ka gaoghathogna mana na, mana lasedihi niha gano nate tufa ka iagho na.

Proveb 26:23

Nogna famane cheke mae te diꞌa na, jateula glele te peda te famane salhu ra eghu.

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Matiu 24:23

Ka narane tuana keha naiknore ginauna cheke eghu ka ghotilo, ‘Ghema, igne mae Kraes na!’ ba ‘Mana na au jare!’ Thosei fatutuanidi mare.

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.