Proveb 26:24 - Buka Blahi Ka Cheke Holo

²⁴ Mae te theome magnahaghei nigho iagho na, mana famane cheke mala pophoru gaoghatho te diꞌa na.

Proveb 26:24 Iomraidhean Croise

Jenesis 34:13

Hatimare mae thabusigna Daina gre ne thono diꞌa tadi fara ka mae Sekem eigna mana te eni puhi te diꞌa na ka gregadi na, ne cheke tughu chaichaghi ka mae Sekem ghe kmagna.

Fapea Samuel 13:26

Nu mae Absalom ne cheke eghu, “Keliu kolhu, nu iara magnahaghe nigho iagho te snakreni mae thabusigu iara mae Amnon mala mei.” Eghuteuna king ne cheke eghu, “Naugna unha sagho te magnahaghei mei mae Amnon gnea?”

Fapea Samuel 13:27

Nu mae Absalom ne toreni fara king ne ghilei snakreni mae Amnon baludi keha thugna King Devet re ne tei ka mae Absalom.

Fapea Samuel 20:9

Eghuteuna mae Joab ne cheke eghu ka mana, “Naublatha keli thabusigna.” Aonu mana ne loku ka gremohogna mae Amasa na fei khame nhetagna ne gnanghoni mae Amasa.

Nodi Khoje Hatimare Mae Jiu 12:3

God, fofotho sagho foflodi naikno te cheke famaemahe koba are, nei fofotho foflodi naikno te cheke fahaehaghe te cheke eghu are,

Nodi Khoje Hatimare Mae Jiu 28:3

Kate fatedi iagho naikno te diꞌa puhidire, eidi glepo te diꞌa teke edi mare re, iagho thosei kaha fodu ghau iara baludi mare. Mare lase cheke famaemahe fara ka keha naiknore, nu gaoghatho te diꞌa na fodu ka nagnafadire.

Nodi Khoje Hatimare Mae Jiu 41:6

Iheire te mei filo ghau iara teure mare chaichaghi nodi kolho, mare theome kokhoni ghau iara. Mare mei mala filoni fogra iara na eghuteuna ke tei nodi. Eghuteuna ke leghugna igne mare jifla tei toutonu eigu iara heva heva ka keha naiknore.

Proveb 10:18

Jame mae te pophoru nagnafa te theome namhani keha mae na, mana kaisei mae chaichaghi. Eghuteuna mae te fameomekro na, vuavuha cheke eigna keha mae na.

Proveb 11:1

Lord theome magnahaghedi naikno te skel chaichaghi na. Nu mana keli tagna ka naikno te skel fadoglo na.

Proveb 12:17

Mae te doglo na chekeni cheke te tutuani na ka fate. Nu mae te chaichaghi na mana na chaghi kolho.

Proveb 12:20

Chaichaghi na au ka thiꞌagna mae te eni gaoghatho te diꞌa na. Nu gleale'a na au ka thiꞌagna mae te toghodi naiknore mala au ka pharikeli.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Proveb 23:7

Jame te ghamu iagho balugna na, mana ginauna na cheke eghu ka iagho, “Ghamu nei koꞌu eghu leghuni unha te magnahagheni iagho na.” Nu nogna cheke mana igre theome tutuani. Ka gaoghathogna mana na, mana lasedihi niha gano nate tufa ka iagho na.

Profet Jeremaea 9:4

Ghotilo naiknora filo fakelidi kherami themi are! Glahula roghe poru ghami mare te mala mei te goigonini ghami ghotilo na! Theo kaisei naikno te fatutuani ni kheragna thegna na, naugna kherada theda igre jateula mae Jekop eghu chaichaghi ghita koba.

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.