Proveb 26:23 - Buka Blahi Ka Cheke Holo

²³ Nogna famane cheke mae te diꞌa na, jateula glele te peda te famane salhu ra eghu.

Proveb 26:23 Iomraidhean Croise

Proveb 10:18

Jame mae te pophoru nagnafa te theome namhani keha mae na, mana kaisei mae chaichaghi. Eghuteuna mae te fameomekro na, vuavuha cheke eigna keha mae na.

Proveb 23:7

Jame te ghamu iagho balugna na, mana ginauna na cheke eghu ka iagho, “Ghamu nei koꞌu eghu leghuni unha te magnahagheni iagho na.” Nu nogna cheke mana igre theome tutuani. Ka gaoghathogna mana na, mana lasedihi niha gano nate tufa ka iagho na.

Proveb 25:4

Hata koko thona ka silva na, eghuteuna kaisei mae te lase loku ka silva tangomana te eni famane glepo tagna.

Proveb 26:25

Neuba nogna cheke mana re ne famane fanomhodi re, iagho thosei fatutuanidi. Thiꞌagna mana na fodu ka gaoghatho te diꞌa.

Proveb 27:6

Iagho tangomana te rouronuni mae kheramu te fadogli nigho na, nu fiofilo nighoi ka mae naoka te fariuriu famaemahe nigho na.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Matiu 23:27

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo jateula beku te famane simede te klino ke kosi na, eghuteuna keli fara fifilogna na teu ia eghu. Nu ke lamna na fodu ka nhubra nei thinidi naikno te lehe te boto re.

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.