Proveb 26:12 - Buka Blahi Ka Cheke Holo

¹² Jame kaisei mae chekeni ne lalase fara eghu, tahati ninhigrana ranghi ghita te toghoni mana te mala lasedi gobigna lepore. Nu jame kaisei mae fameomekro magnahaghei lalase, tahati tangomana te toghoni mana te mala lasedi gobigna lepore.

Proveb 26:12 Iomraidhean Croise

Proveb 12:15

Mae te fameomekro na ne doglo neu kolho eghu ka gaoghathogna na. Nu mae ihei te autagna gaoghatho te keli na fanomho ka farirhiu.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Proveb 26:16

Gaoghathogna mae te thodo na, nogna glalase na ne uludi fitu mae te cheke tughudi thua nafnata faghusna ra eghu.

Proveb 26:5

Nu iagho tusu lao cheke tughu te nabagna mae te fameomekro na, mala theome ghathoni mana ne au ka mana gaoghatho te keli na teuna.

Proveb 28:11

Mae te dedei na ne mae glalase eghu ka gaoghathogna na, nu mae te kuma te autagna gaoghatho te keli na laseni puhigna mae te dedei igne.

Proveb 28:26

Mae te ronuni nogna gaoghatho thegna na, mana mae fameomekro kolho. Nu mae te rouronu ka gaoghatho te keli na ginauna au fakeli.

Proveb 29:20

Jame te filoni iagho mae ihei te cheke faghoeghose kolho na, mae te fameomekro na au nogna groronu te mala atha gaoghatho te keli uluni nafnata mae igne.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Profet Isaia 5:21

Kokhoni ghami fara ghotilo iheire te ne lalase fara themi ne salaꞌudi keha naiknore teu gaoghathomi re igre!

Matiu 21:31

“Mae ihei ka phia mae sua igre te leghuni chekegna mae kmagna na?” Hatimare mae pris nei hatimare mae biꞌo teu gre ne cheke eghu ka mana, “Mae sua ke ulu gne.” Mae Jisas ne cheke eghu ka mare, “Tutuani fara, te chekeni iara ka ghotilo na. Hatimare mae te diꞌa te salo takis nei goro gaꞌase vine teu igre ginauna au ke lamnadi naikno te funei frunidi God igre ame ghotilo nga eghu.

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Luku 7:44

Mae Jisas figri lao ka naikno biꞌo na ne cheke eghu ka mae Simon, “Filoni sagho naikno biꞌo igne! Iara mei ruma ka sugamu iagho gne, eghuteuna iagho theome famei khoꞌu mala titihi iara ghahegu gre. Eghuteuna thau igne ne titihi ghahegu gre kau kholo di phei tathagnare, nei famomoja kau khaklagna thegna re.

Jone 9:41

Mae Jisas ne cheke eghu ka mare, “Te dofu tutuani ghotilo na, ghotilo jame theome jafra. Nu te chekeni ghotilo na, ‘Ghehati la lasenihi u tutuani na teuna!’ Tuana ngala gaoghathogna te chekeni iara ne jafra fara ghotilo teuna.”

Letas Teke Riso Tei Mae Pol Ka Khiloau Rom 12:16

Ghotilo mala au fodu ka pharikeli. Thosei fahaehaghe, nu fofodu ka iheire te au faparidi thedi. Eghuteuna thosei ne lalase farahi themi eghu.

Thakle 3:17

Uve, ghotilo ne cheke eghu, ‘Ghehati dedei fara, eghuteuna la auhi gobigna lepo te magnahaghedi ghehati re.’ Nu ghotilo theome lasedi kolho eghu! Tutuani, ghotilo nabami te au diꞌanagnafa na, naugna ghotilo ne kmo'e ka nogna thofno gobigna lepo God re. Ghotilo kuma fara ke ulugna God, naugna puhimi ghotilo re thono diꞌa fara. Ghotilo soesole, naugna ghotilo ne theome fatutuani ni God. Tathamire jaola ne dofu, naugna ghotilo ne theome raꞌe laseni mana.