Proveb 25:8 - Buka Blahi Ka Cheke Holo

⁸ Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Proveb 25:8 Iomraidhean Croise

Fapea Samuel 2:26

Aonu kate filodi phia mare na, mae Abna ne eha eghu tei ka mae Joab, “Ba, na magrau si tahati gnea? Filo sagho, nafnata puhi igne mala diꞌanagnafa kolho leghu lahu na. Tahati thabusigna kolho. Chekedi sagho nou mae soldiare mala thosei ngolhi ghami ghehati!”

Ululahu Kings 3:25

Eghuteuna king ne cheke eghu ka nogna mae gloku na, “Iagho hata sua te karha teu ana mala alha pea. Kaisei vido malagna gaꞌase igne, eghuteuna keha vido na malagna keha gaꞌase na eghu.”

Proveb 14:12

Keha naiknore te ghathoni na, mare ne thofno leghuni nabrou te doglo na eghu. Nu theo eghu, nabrou te leghuni mare igne mala lehe.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 18:6

Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Proveb 30:33

Jame te hata iagho milk ka buluka na te ngigno na, bata ginauna jifla mei. Jame te tuti iagho nehugna keha mae na, dadara ginauna jifla mei. Eghume jateula tuana eghu, jame te faꞌeiꞌei iagho te diꞌatadi naiknore na, magra ginauna jifla mei.”

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Matiu 5:25

“Mae ihei te magnahaghei hata nigho kau fate eigna unha teke eni fadiꞌa iagho ranghini na, iagho ghosei tei fadoglini ka mana puhi tuana. Te theo iagho na, mana ginauna na hata tei nigho ka mae mala fate. Eghuteuna, mae mala fate na ginauna snakre tei nigho ka hatimare mae pulisire. Aonu, mare ginauna hata tei nigho kau suga sosolo.