Proveb 25:5 - Buka Blahi Ka Cheke Holo

⁵ Hata koko mae te diꞌa te farirhiuni king ka puhi te diꞌare, eghuteuna king ginauna tangomana te eni kantri igne mala kaisei famane namono mala au.

Proveb 25:5 Iomraidhean Croise

Ululahu Kings 2:33

Mae Joab nei vikegna teu mana ra nabadi te au papara eidi dadaradi mae Abna ghe mae Amasa ra. Nu ghehati vikegna mae Devet te gnokro ka sapegna king igre, Lord ginauna togho ghami ghehati mala au fabrahu ka pharikeli.”

Ululahu Kings 2:45

Nu mana ginauna fablahi ghau iara King Solomon, eghuteuna mana ginauna na vavahi kaisei ka vikegna mae Devet mala king fabrahu.

Ululahu Kings 2:46

Aonu king neke chekeni mae Benaea mala faleheni mae Simei. Aonu mae Benaea tei ne aknu faleheni mana. Eghume nogna nolaghi mae Solomon te mala funei fruni na thofno rheta farahi.

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Proveb 16:12

Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Proveb 20:28

Mae funei te ghatho tahudi nogna naiknore, eghuteuna batudi ka puhi te doglo teuna, mana tangomana te batudi fabrahu nogna naiknore.

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Proveb 25:6

Thosei ghatho tahu nigho themu jateula kaisei mae biꞌo eghu ka tathagna funei na. Eghuteuna iagho thosei tei gnokro balugna mana ka sape nafnakno.

Proveb 29:14

Kate fatedi mae funei na naikno te kuma gre ka puhi te doglo na, mana ginauna tangomana te batudi fabrahu nogna naiknore.

Profet Isaia 16:5

Aonu ka narane igne, kaisei mae king majaghani ginauna karha mei ka vikegna mae King Devet. Mana ginauna ghatho tahudi fabrahu nogna naiknore, eghuteuna naiknore ginauna fatutuani ni mana. Mana ginauna ghosei eni glepo te keli na, eghuteuna mana na fatedi naiknore ka puhi te doglo.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.